Brahmaputra Times
শিলচৰত সংঘটিত হৈছে এক চাঞ্চল্যকৰ ঘটনা। নিজৰ চাৰ্ভিছ ৰিভলভাৰেৰে মূৰত গুলীয়াই এগৰাকী RPSF জোৱানে আত্মহত্যা কৰে।
শিলচৰ ৰেল ষ্টেচনত সংঘটিত এই চাঞ্চল্যৰ ঘটনাটোত মৃত্যু হোৱা জোৱানজন উত্তৰ প্ৰদেশৰ সানুজ চৌহান বুলি চিনাক্ত কৰা হৈছে।
জানিব পৰা মতে, এন এফ ৰেলৱেৰ শিলচৰস্থিত ডেপুটি চিফ ইঞ্জিনিয়াৰৰ কাৰ্যালয়ৰ সম্মুখত কৰ্তব্যত নিয়োজিত আছিল সানুজ চৌহান।
কিন্তু মঙলবাৰে কৰ্তব্যৰত অৱস্থাতে হঠাৎ চাৰ্ভিছ ৰিভলভাৰেৰে মূৰত গুলীয়াই জোৱানজনে। সহকৰ্মী সকলে ৰক্তাক্ত অৱস্থাত চৌহানক উদ্ধাৰ কৰি শিলচৰ চিকিৎসা মহাবিদ্যালয়লৈ প্ৰেৰণ কৰে যদিও চিকিৎসক মৃত বুলি ঘোষণা কৰে।
তিনি দিন পূৰ্বে লামডিং কাৰ্যালয়ৰ পৰা বদলি হৈ শিলচৰত নিয়োজিত হৈছিল RPSF জোৱান সানুজ চৌহান।
কি কাৰণত জোৱানজনে এই ঘটনা সংঘটিত কৰিলে তাক লৈ আৰক্ষীৰ তদন্ত অব্যাহত আছে।
