Brahmaputra Times
ৰাজ্যজুৰি চৰ্চাৰ বিষয় হৈ থকা ট্ৰেডিং কেলেংকাৰী ঘটনাৰ তদন্ত আৰম্ভ কৰিছে এছ আই টিয়ে। IGP সংযুক্তা পৰাশৰৰ নেতৃত্বত গঠন কৰা চি আই ডিৰ ৭ জনীয়া দলটোৱে আৰম্ভ কৰিছে অভিযান।
এছ আই টিৰ দলটোৱে ট্ৰেডিং কাণ্ডত জড়িত ২২ গৰাকীক লুক আউট চাৰ্কুলাৰ জাৰি কৰিছে।
CIDৰ বিশেষ তদন্তকাৰী দলে মুঠ ২৮টা গোচৰত দীপাংকৰ বৰ্মন, চুমি বৰা, তাৰ্কিক বৰা, ৰাজীৱ বৰাকে ধৰি ২২ জনলৈ লুক আউট চাৰ্কুলাৰ জাৰি কৰিছে।
উল্লেখ্য যে, বিশাল ফুকনক গ্ৰেপ্তাৰ কৰাৰ পিছৰে পৰা সন্ধান নাই চুমী বৰাৰ। অৰ্থাত প্ৰায় এসপ্তাহ ধৰি পলাই ফুৰিছে চুমি আৰু তেওঁৰ স্বামী তাৰ্কিক।
এই ট্ৰেডিং কাণ্ডৰ তদন্তৰ ভাৰ চি আই ডিয়ে লোৱাৰ পিছৰে পৰা এছ আই টিৰ দলে তেওঁলোক দুয়োজনকে কৰায়ত্ত কৰিবলৈ অভিযান তীব্ৰতৰ কৰি তুলিছে।
ইতিমধ্যে মেঘালয়ৰ কোনো অজ্ঞাত স্থানত আত্মগোপন কৰি থকাৰ তথ্য লাভ কৰাৰ পিছতেই চি আই ডিৰ দলে মেঘালয়ৰ আৰক্ষীৰ সহায়ত অভিযান আৰম্ভ কৰিছে।
