সদৌ অসম ছাত্ৰ সন্থাৰ সাধাৰণ সম্পাদক পদৰ পৰা অব্যাহতি ল’লে শংকৰ জ্যোতি বৰুৱাই।

ফেইচবুকৰ জৰিয়তে এই কথা জনালে ছাত্ৰ নেতাজনে।

ফেইচবুকত তেওঁ লিখিছে, ‘নমস্কাৰ। আপোনালোকক জনাব বিচাৰিছোঁ যে শেহতীয়াকৈ সদৌ অসম ছাত্ৰ সন্থাৰ পবিত্ৰ মজিয়াত আমাৰ সন্দৰ্ভত এক বিতৰ্কৰ সৃষ্টি হৈছে । এই বিতৰ্কৰ সত্য সত্যতা যদিও ন্যায়ালয়ত প্ৰমাণ হ’ব তথাপিও ব্যক্তিগতভাৱে জনাব বিচাৰো যে মই সদৌ অসম ছাত্ৰ সন্থাৰ পবিত্ৰ মজিয়াৰ পৰা সাধাৰণ সম্পাদক হিচাপে স্ব-ইচ্ছাই অব্যাহতি গ্ৰহণ কৰিছোঁ। ক্ষন্তেক পিছতে কেন্দ্ৰীয় সমিতিলৈ মোৰ অব্যাহতি পত্ৰ প্ৰেৰণ কৰিম ৷ আজিৰ এই মূহূৰ্তলৈকে আপোনালোকে আগবঢ়োৱা সহায়-সহযোগিতাৰ বাবে সকলোৰে ওচৰত কৃতজ্ঞ হৈ ৰ’ম ৷ ধন্যবাদ ৷

সদৌ অসম ছাত্ৰ সন্থা জিন্দাবাদ

জয় আই অসম’

উল্লেখযোগ্য যে শংকৰ জ্যোতি বৰুৱাৰ বিৰুদ্ধে এগৰাকী যুৱতীয়ে আনিছিল চাঞ্চল্যকৰ অভিযোগ।

ছাত্ৰ নেতাজনৰ বিৰুদ্ধে ভঙাগড় থানাত এজাহাৰ দাখিল কৰিছে গুৱাহাটী বিশ্ববিদ্যালয়ত অধ্যয়নৰত যুৱতীগৰাকীয়ে।

আছুৰ সাধাৰণ সম্পাদক শংকৰজ্যোতি বৰুৱাৰ বিৰুদ্ধে প্ৰেম প্ৰতাৰণাৰ অভিযোগ উত্থাপন কৰা ছাত্ৰীগৰাকী গুৱাহাটী মেডিকেল কলেজ হাস্পতালত চিকিৎসাধীন হৈ আছিল।

বিগত ৫ মাহ ধৰি মানসিক চাপত ভুগি বিশ্ববিদ্যালৰ ছাত্ৰী আবাসত অধিক দৰৱ সেৱন কৰিছিল ছাত্ৰীগৰাকীয়ে।