Brahmaputra Times
দেশী-বিদেশী পৰ্যটকসকলৰ বাবে সুখবৰ। পুনৰ পৰ্যটক তথা দর্শনাৰ্থীৰ বাবে সাজু হৈছে ওৰাং ৰাষ্ট্ৰীয় উদ্যান। পুনৰ প্ৰাণোচ্ছল হ’ব ওৰাং ৰাষ্ট্ৰীয় উদ্যান। পহিলা অক্টোবৰৰ পৰা পৰ্যটকৰ বাবে মুকলি হ’ব ওৰাং ৰাষ্ট্ৰীয় উদ্যান।
প্ৰথম অক্টোবৰৰ পৰা দেশী-বিদেশী পৰ্যটক সকলে ৰাষ্ট্ৰীয় উদ্যানখনৰ মনোমহা দৃশ্য উপভোগ কৰাৰ লগতে কৰিব পাৰিব নৌকা বিহাৰ। পৰ্যটক সকলে কৰিব পাৰিব জীফ চাফাৰীৰ লগতে হাতী চাফাৰী।
ওৰাং ৰাষ্ট্ৰীয় উদ্যানখনত গঁড়, বাঘৰ লগতে বিভিন্ন প্ৰজাতিৰ চৰাই চিৰিকটি চাবলৈ পাৰিব পৰ্যটক সকলে।
উল্লেখ্য যে, প্ৰতিবছৰে বাৰিষা কালত পৰ্যটক সকলৰ দৰ্শনৰ বাবে বন্ধ কৰি দিয়া হয় ওৰাং ৰাষ্ট্ৰীয় উদ্যান। সম্প্ৰতি উদ্যানখনৰ বাট-পথ উন্নত হোৱাৰ বাবে পুনৰ পৰ্যটকৰ বাবে মুকলি কৰি দিয়াৰ সিদ্ধান্ত গ্ৰহণ কৰিছে।
