Brahmaputra Times
জোনমণি ৰাভাৰ মৃত্যু-তদন্তৰ নতুন পাক। অসম আৰক্ষীৰ ৯গৰাকীৰ বিৰুদ্ধে বিভাগীয় তদন্ত আৰম্ভ কৰা বুলি জানিব পৰা গৈছে।
উল্লেখ্য যে, এছ আই জোনমণি ৰাভাৰ ৰহস্যজনক মৃত্যুক কেন্দ্ৰ কৰি এটা বছৰ পূৰ্বে সমগ্ৰ ৰাজ্যজুৰিয়েই সৃষ্টি হৈছিল চাঞ্চল্য। বিগত বৰ্ষৰ ১৫ মে’ৰ নিশা নগাঁৱৰ জখলাবন্ধাত এক ৰহস্যজনক পথ দুৰ্ঘটনাত মৃত্যু হৈছিল সেই সময়ৰ নগাঁৱৰ মৰিকলং আৰক্ষী চকীৰ ভাৰপ্ৰাপ্ত বিষয়া এছ আই জোনমণি ৰাভাৰ।
কিন্তু জোনমণি ৰাভাৰ মৃত্যুক পৰিয়ালৰ লগতে সাধাৰণ ৰাইজেও যেন ল’ব পৰা নাছিল সহজভাৱে।
এতিয়া CBIৰ পৰামৰ্শ মৰ্মে অসম আৰক্ষীয়ে আৰম্ভ কৰিছে বিভাগীয় তদন্ত। কৰ্তব্যত গাফিলতি আৰু তথ্য-প্ৰমাণ নষ্টৰ অভিযোগত কেইবাগৰাকী আৰক্ষী বিষয়া, কনিষ্টবল আৰু গৃহৰক্ষী জোৱানৰ বিৰুদ্ধে তদন্ত ঘোষণা কৰিছে।
