Brahmaputra Times
দিল্লীৰ মুখ্যমন্ত্ৰীৰূপে শপত লোৱা আতিশী মাৰ্লেনাই সোমবাৰে সচিবালয়ত উপস্থিত হৈ মুখ্যমন্ত্ৰী পদৰ দায়িত্ব গ্ৰহণ কৰে। মুখ্যমন্ত্রী আতিশীৰ কার্যালয়ত স্থাপন কৰা হৈছে দুখন চকী। অৰবিন্দ কেজৰিৱালৰ চকীখন লগত ৰাখি মুখ্যমন্ত্ৰীৰ দায়িত্ব গ্ৰহণ কৰিছে অতিশীয়ে।
মুখ্যমন্ত্রীৰ দায়িত্ব গ্রহণ কৰাৰ পাছত তেওঁ কয় যে ভৰত জীয়ে যেনেকৈ ভগৱান শ্রী ৰামৰ সিংহাসন ৰক্ষা কৰি কাম কৰিছিল, ঠিক সেইদৰেই মইও আগন্তুক চাৰিমাহ মুখ্যমন্ত্রীৰ পদত অধিষ্ঠিত হৈ থাকিম৷
উল্লেখ্য যে, দুদিন পূৰ্বে আতিশীয়ে কেবিনেট সতীৰ্থৰ সৈতে দিল্লীৰ অষ্টমগৰাকী মুখ্যমন্ত্ৰী হিচাপে শপত গ্ৰহণ কৰিছিল। আজি তেওঁ দিল্লী সচিবালয়ত উপস্থিত হৈ মুখ্যমন্ত্ৰী পদৰ দায়িত্ব লয়।
সোমবাৰে দিল্লী কেবিনেটৰ বৈঠক আহ্বান কৰি কিছু গুৰুত্বপূৰ্ণ সিদ্ধান্ত ল’ব বুলি কোৱা হৈছে। ইফালে, ২৬ আৰু ২৭ ছেপ্টেম্বৰত দিল্লী বিধানসভাৰ অধিৱেশন অনুষ্ঠিত হ’ব বুলিও তথ্য লাভ কৰা গৈছে।
