শাসক-বিৰোধী দুয়োটা দলৰে শীৰ্ষ নেতাই এতিয়া গৰম কৰি তুলিছে বিহালীৰ ৰাজনীতি। শাসক পক্ষৰ হৈ মন্ত্ৰী পীযুষ হাজৰীকাই বাহৰ পাতি লৈছে বিহালীত। সমান্তৰালকৈ প্ৰতিদিনে বিহালীলৈ আগমন ঘটিছে মন্ত্ৰী, সাংসদ আৰু বিধায়কৰ। ইফালে কংগ্ৰেছ দলৰ প্ৰাৰ্থী জয়ন্ত বৰাৰ হৈ সাংসদ গৌৰৱ গগৈৰ লগতে কংগ্ৰেছৰ ৰাজ্যিক সভাপতি ভূপেন বৰায়ো আৰম্ভ কৰিছে প্ৰচাৰ অভিযান।

বিহালীত এখন নিৰ্বাচনী সভাত মন্ত্ৰী পীযুষে কয় যে মহিলা সকলেতো বিজেপি প্ৰাৰ্থীগৰাকীক ভোট দিবই কিন্তু পুৰুষসকলে যদি ভোট নিদিয়ে, তেনেহ’লে মহিলাসকলে তেঁওলোকক ঘৰত ভাত নিদিবলৈ ধেমালীয়াকৈ মন্তব্য কৰে।