Brahmaputra Times
দলগাঁৱত আৰক্ষীৰ চোৰাং চিকাৰী বিৰোধী অভিযান। অস্ত্রসহ ৪জনকৈ চোৰাং চিকাৰীক আটক কৰিছে আৰক্ষীয়ে। ওৰাং ৰাষ্ট্ৰীয় উদ্যানত গঁড় হত্যাৰ পৰিকল্পনাৰে আহিছিল এই ৪ জন দুধৰ্ষ চোৰাং চিকাৰী। আৰক্ষীয়ে আটকাধীন চোৰাং চিকাৰী কেইজনৰ পৰা এটা . ৩০৩ ৰাইফল, ১০ টা সজীৱ গুলি, তিনিটা মোবাইল, ৫খন মটৰচাইকেল আৰু এখন ই-ৰিক্সা জব্দ কৰে।
আৰক্ষীয়ে আটক কৰা ধৃত কেইজন নুৰ হুছেইন, আবুল হুছেইন, জাফৰ আলী আৰু নুৰ ইছলাম বুলি চিনাক্ত কৰা হৈছে। জানিব পৰা মতে, আটাইকেইজনৰ ঘৰ উদ্যানখনৰ কাষৰ কাছোমাৰী সোনাৰী গাঁৱত।
এইখিনিতে উল্লেখ কৰিব পাৰি যে মঙলবাৰে দিনৰ ভাগত দৰং আৰক্ষীয়ে দলগাঁৱৰ কাছোমাৰী সোনাৰী গাঁৱত গোপন সূত্ৰৰ ভিত্তিত অভিযান চলাই বাহন কেইখন জব্দ কৰিছিল। ইফালে আবুল হুছেইনৰ স্বীকাৰোক্তিৰ ভিত্তিত দলগাঁৱৰ কাছোমাৰী সোনাৰী গাঁৱত এটা পুখুৰীত পুতি থোৱা অৱস্থাত উদ্ধাৰ কৰে অস্ত্রখিনি।
