অসমৰ মুখ্যমন্ত্ৰী ড° হিমন্ত বিশ্ব শৰ্মাৰ বিতর্কিত মন্তব্য—য’ত তেওঁ কংগ্ৰেছ চৰকাৰৰ সময়ত নিযুক্তিৰ বাবে “বোৱাৰী-ছোৱালীয়ে সতীত্ব হৰণ কৰিবলগীয়া হৈছিল” বুলি মন্তব্য কৰিছিল—তাকে লৈ বৰ্তমান দেশজুৰি তীব্ৰ প্ৰতিক্ৰিয়া দেখা গৈছে। কংগ্ৰেছৰ ৰাজ্যিক তথা ৰাষ্ট্ৰীয় নেতৃত্বে মুখ্যমন্ত্ৰীৰ মন্তব্য নাৰীৰ প্ৰতি অপমানজনক বুলি অভিহিত কৰি তীব্ৰ গৰিহণা ব্যক্ত কৰিছে।

এই সম্পৰ্কে আজি সৰ্বভাৰতীয় মহিলা কংগ্ৰেছৰ সভাপতি অলকা লাম্বাই ৰাষ্ট্ৰপতি দ্ৰৌপদী মুৰ্মীক এখন লিখিত পত্ৰ প্ৰেৰণ কৰি মুখ্যমন্ত্ৰীৰ মন্তব্যৰ বিৰুদ্ধে তৎকালীন হস্তক্ষেপৰ দাবী জনাইছে। তেওঁ কৈছে, “এই মন্তব্য কেৱল অসম নহয়, সমগ্ৰ ভাৰতৰ মহিলাৰ আত্মমৰ্যাদাৰ ওপৰত ইচ্ছাকৃত আৰু অপমানজনক আক্ৰমণ।”

অলকা লাম্বাই পত্ৰত উল্লেখ কৰে যে, ঢেকিয়াজুলিৰ বৰছলাত অনুষ্ঠিত সভাত মুখ্যমন্ত্ৰীয়ে মন্তব্যটোৰে যি ভাষা ব্যৱহাৰ কৰিছিল, সেয়া এক অশ্লীল, অপমানজনক আৰু অনুগ্ৰহযোগ্য নহয় বুলি উল্লেখ কৰে। তেওঁ কয় যে এনে মন্তব্য সাংবিধানিক পদত অধিষ্ঠিত ব্যক্তিৰ পৰা আশা কৰা নাযায়।

মহিলা কংগ্ৰেছ নেত্ৰীগৰাকীয়ে অধিক কৈছে, “ভাৰতীয় সংবিধানত লিংগ সমতা আৰু মহিলা সৱলীকৰণৰ ওপৰত ভিত্তি কৰা নীতিসমূহৰ ওপৰত মুখ্যমন্ত্ৰীৰ মন্তব্য এক তীব্ৰ আঘাত। এইটো দেশৰ সকলো কন্যা, মা, ভগ্নী আৰু মহিলা সমাজৰ মৰ্যাদা হৰণ হৈছে।”

অলকা লাম্বাই ৰাষ্ট্ৰপতিক স্মৰণ কৰাই কয় যে, “আপুনি নিজে এগৰাকী মহিলা আৰু দেশৰ সাংবিধানিক অভিভাৱক। আপুনিৰ দায়িত্ব এই দৰে মহিলাৰ ওপৰত হোৱা অপমানৰ বিৰুদ্ধে ন্যায় নিশ্চিত কৰাৰ।” তেওঁ মুখ্যমন্ত্ৰীৰ পৰা চৰ্তহীন ৰাজহুৱা ক্ষমা প্ৰাৰ্থনাৰ লগতে, এই ঘটনাৰ বিস্তৃত তদন্ত আৰু সাংবিধানিক পদক্ষেপ লোৱাৰ দাবী জনাইছে।

উল্লেখ্য যে, মুখ্যমন্ত্ৰীৰ উক্ত মন্তব্যৰ পটভূমিত আছিল অসম লোকসেৱা আয়োগৰ নিযুক্তি কেলেংকাৰী। বিজেপি চৰকাৰে গঠন কৰা বিপ্লৱ শৰ্মা নেতৃত্বাধীন অনুসন্ধান আয়োগে আগবঢ়োৱা প্ৰতিবেদনত উল্লেখ আছিল যে, তৎকালীন অধ্যক্ষ ৰাকেশ পালে নিযুক্তিৰ বিনিময়ত কিছু যুৱতীৰ সৈতে শাৰীৰিক সম্পৰ্ক স্থাপন কৰিছিল। এই তথ্যৰ দোহাই দি মুখ্যমন্ত্ৰীয়ে কংগ্ৰেছ চৰকাৰৰ দিনত **“চাকৰিৰ বাবে সতীত্ব হৰণৰ কথা কৈছিল।