উজনি অসম ভ্ৰমণৰত মুখ্যমন্ত্ৰী ড০ হিমন্ত বিশ্ব শৰ্মাই আজি কেইবাটাও আঁচনি মুকলি কৰিছে৷ তিনিদিনীয়া ভ্ৰমণ সূচীৰ মাজতে আজি মুখ্যমন্ত্ৰী নেতৃত্বাধীন মন্ত্ৰী পৰিষদে বৈঠক অনুষ্ঠিত কৰিব৷ ইয়াৰ মাজতে আজি মুখ্যমন্ত্ৰীয়ে বিশেষ এখন ফটো শ্বেয়াৰ কৰি পুৰণিৰ পয়ালগা অৱস্থাৰ পৰিৱৰ্তে নতুনত্ব দেখা গৈছে৷ পূৰ্বে লেতেৰা আৱৰ্জনাৰে ভৰি থকা এখন ঠাইত এতিয়া সুন্দৰ আন্তঃগাঁঠনি গঢ়ি উঠিছে৷

মুখ্যমন্ত্ৰীয়ে সামাজিক মাধ্যমত ফটো শ্বেয়াৰ কৰি উত্তৰ লখিমপুৰৰ উন্নয়নৰ কথা ক’ব বিচাৰিছে৷ সুমদিৰি নদীক সজীৱ কৰি তোলাৰ লগতে লিগেচী ৱেষ্টৰ নিষ্কাশনৰ বাবে লোৱা পদক্ষেপৰ কথা ৰাজহুৱা কৰিছে৷
মুখ্যমন্ত্ৰীয়ে কয় ”এয়া লখিমপুৰৰ দৃশ্যাংশ৷ উত্তৰ লখিমপুৰত লিগেচী ৱেষ্টৰ নিষ্কাশনৰ বাবে লোৱা পদক্ষেপে সুমদিৰি নদীক সজীৱ কৰি তোলাই নহয় এই নদীক পুনৰ জীৱন দান কৰিব। এই সমগ্ৰ প্ৰক্ৰিয়াই ১৬ বিঘা ভূমি পুনৰ উদ্ধাৰ কৰাত সহায় কৰিছে। এই ভূমি এতিয়া Urban forest cum Urban Retreat zoneলৈ উন্নীত কৰা হ’ব৷ আৰু ইয়াৰ মূল লক্ষ্য হ’ব পৰিৱেশৰ বহনক্ষমতা। প্ৰায় ৫.৫ একৰ ভূমি সামৰি গঢ়ি তুলিবলগীয়া নগৰীয়া অৰণ্যত মিয়াৱাকি কৌশল ব্যৱহাৰ কৰি ৰোপণ কৰা থলুৱা প্ৰজাতিৰ গছ, খোজকাঢ়িবলৈ আৰু চাইকেল চলোৱাৰ পথ আৰু মৌলিক ৰাজহুৱা সুবিধা, ফুড ক’ৰ্ট আৰু অন্যান্য বিনোদনৰ সুবিধা থাকিব।”