ডিজিটেল ডেস্কঃ উত্তৰ প্ৰদেশৰ হাৰ্ডিৰ মাহছি মহাৰাজগঞ্জত দুৰ্গা পূজাৰ মূৰ্তি বিসৰ্জনৰ সময়ত দুটা সম্প্ৰদায়ৰ মাজত বিবাদৰ সূত্ৰপাত হয় । ডিজেক লৈ হোৱা বিবাদে ক্ৰমে সংঘৰ্ষৰ ৰূপ লয় আৰু ক্ৰমে এটা সম্প্ৰদায়ে আনটো সম্প্ৰদায়লৈ প্ৰথমে শিলগুটি নিক্ষেপ কৰে আৰু তাৰ পিছত গুলীচালনা কৰে।

ইয়াৰ মাজতে মূৰ্তি বিসৰ্জনৰ লগত জড়িত ৰেহুভাৰ বাসিন্দা এজন যুৱকক গুলীয়াই আহত কৰা হয় । তেওঁক ততাতৈয়াকৈ স্থানীয় চিকিৎসা মহাবিদ্যালয়লৈ প্ৰৰণ কৰা হয় যদিও পিছত চিকিৎসালয়তে তেওঁৰ মৃত্যু হয় । এই ঘটনাত আন কেইবাজনো লোক আহত হয় ।

জানিব পৰা মতে দুৰ্গা মূৰ্তি বিসৰ্জন যাত্ৰাৰ সময়ত সংঘটিত হৈছিল এই বিবাদ । নিহত যুৱকজন গোপাল মিশ্ৰ (২২) বুলি জানিব পৰা হৈছে ৷ পৰিস্থিতি অধিক উত্তপ্ত হৈ পৰাত ঘটনাস্থলীত স্থানীয় কেইবাখনো থানাৰ আৰক্ষী উপস্থিত হয় ৷ পৰিস্থিতি নিয়ন্ত্ৰণৰ বাবে আৰক্ষীয়ে লাঠিচালনাও কৰিবলগীয়া হয় ৷ এই সংঘৰ্ষৰ পাছত ঘড়ী টাৱাৰত দুৰ্গা মূৰ্তিৰ বিসৰ্জন শোভাযাত্ৰাও বন্ধ কৰি দিয়া হয় । তথ্য অনুসৰি আন এটা সম্প্ৰদায়ৰ লোকে ডিজে বন্ধ কৰিবলৈ কৈছিল আৰু তাৰ পিছত বিবাদৰ সৃষ্টি হয় ।