Brahmaputra Times
বঙাইগাঁওঃ উজনি অসমত আৰম্ভ হোৱা খিলঞ্জীয়া ঐক্য অভিযান এইবাৰ আৰম্ভ হৈছে নামনি অসমত। জাতীয় অস্তিত্ব ৰক্ষা আৰু থলগিৰীৰ সুৰক্ষাৰ দাবীত আৰম্ভ হোৱা এই অভিযান ক্ৰমে বিস্তাৰ হ’ব ধৰিছে। এইবাৰ নামনি অসমৰ বঙাইগাঁৱত গঠন হৈছে খিলঞ্জীয়া ঐক্য মঞ্চ৷ আজি কেবাটাও জাতীয় দল-সংগঠনে এখন সভা অনুষ্ঠিত কৰি খিলঞ্জীয়া ঐক্য মঞ্চ গঠন কৰে।
২০টাতকৈ অধিক জাতীয় আৰু জনগোষ্ঠীয় সংগঠনে অসমীয়াৰ অধিকাৰ ৰক্ষাৰ দাবীত গঠন কৰে এই ঐক্যমঞ্চ। বঙাইগাঁৱত অনা অসমীয়া লোকৰ দপদপনি আৰম্ভ হোৱাৰ অভিযোগ আনি মাটি বিক্ৰী বন্ধ, ব্যৱসায়ীক প্ৰতিষ্ঠানত খিলঞ্জীয়া লোকক নিয়োগ, চৰকাৰী-বেচৰকাৰী ব্যৱসায়ীক প্ৰতিষ্ঠান আদিত অসমীয়া ভাষা ব্যৱহাৰৰ দাবী উত্থাপন কৰে৷
