লাহোৱালঃ অহা ২২ ডিচেম্বৰত ডিব্ৰুগড়ৰ চাবুৱা ডি ডি আৰ মহাবিদ্যালৰ সমাজতত্ত্ব বিভাগৰ প্ৰাক্তন ছাত্ৰ-ছাত্ৰীসকলৰ মিলন সমাৰোহৰ আয়োজন কৰা হৈছে। মিলন সমাৰোহৰ সৈতে সংগতি ৰাখি ৩০ আগষ্টত কাঠফুলা খেতি আৰু কেঁচুসাৰ প্ৰকল্প সন্দৰ্ভত এদিনীয়া বৃত্তিমূলক প্ৰশিক্ষণ শিবিৰ অনুষ্ঠিত হয়৷ প্ৰশিক্ষণ শিবিৰ সফলতাৰে সমাপন হয়৷ শিবিৰত সভাপতিত্ব কৰে মিলন সমাৰোহ সভানেত্ৰী তথা সমাজতত্ত্ব বিভাগৰ মুৰব্বী অধ্যাপিকা মনোজিতা বৰুৱা আৰু অনুষ্ঠানৰ শুভাৰম্ভ কৰে মহাবিদ্যালয়ৰ অধ্যক্ষ ড০ প্ৰদীপ বৰাই৷

অনুষ্ঠানৰ সমল ব্যক্তি হিচাপে উপস্থিত থাকে মহাবিদ্যালয়ৰ সমাজতত্ত্ব বিভাগৰ প্ৰাক্তন ছাত্ৰ তথা উদ্যমী যুৱ কৃষক ভাইজান বাইলুং, নৱজিত চেতিয়াই৷ অনুষ্ঠান পৰিচালনা কৰে সমাজতত্ত্ব বিভাগৰ সহকাৰী অধ্যাপক ৰিষেশ্বৰ পায়েঙে। অনুষ্ঠানত প্ৰায় তিনি শতাধিক ছাত্ৰ-ছাত্ৰীৰ লগতে মহাবিদ্যালয়ৰ বিভিন্ন বিভাগৰ অধ্যাপক-অধ্যাপিকা, ছাত্ৰ-ছাত্ৰী আৰু সমাজতত্ত্ব বিভাগৰ প্ৰাক্তন ছাত্ৰ-ছাত্ৰীসকল উপস্থিত থাকে।

অহা ০২ ছেপ্টেম্বৰ আৰু ০৯ ছেপ্টেম্বৰত তৃতীয় আৰু চতুৰ্থ বৰ্গৰ পৰীক্ষাত উত্তীৰ্ণ হোৱাত সহায় হোৱাকৈ এলানি কৰ্মশালা আয়োজন কৰা হৈছে। মহাবিদ্যালয়ৰ ছাত্ৰ-ছাত্ৰীসকলৰ লগতে চাবুৱা অঞ্চলৰ সকলো ইচ্ছাকৃত পৰীক্ষাৰ্থীসকলক অংশগ্ৰহণ কৰিবলৈ অনুৰোধ জনায়। বিভাগীয় প্ৰাক্তন ছাত্ৰ-ছাত্ৰীসকলৰ সম্পূৰ্ণ সহযোগিতা কামনা কৰাৰ লগতে 6001145824, 7002546765, 9085412623 নম্বৰত যোগাযোগ কৰিবলৈ অনুৰোধ জনাইছে কলেজ কৰ্তৃপক্ষই।