Brahmaputra Times
আমিনগাঁও আয়ুক্ত কাৰ্যালয়ৰ নাতি দূৰৈত বিগত ২৫ বছৰৰ পৰা এগৰাকী ভুৱা ডিগ্ৰীধাৰী চিকিৎসকে চিকিৎসা চলাই অহাৰ ভয়ংকৰ তথ্য পোহৰলৈ আহিছে।
নিজকে পাইলছ আৰু ফিচতুলাৰ বিশেষজ্ঞ বুলি পৰিচয় দিয়া ভুৱা চিকিৎসক গৰাকী কেৱল মেট্ৰিক উত্তীর্ণ।
অঞ্চলটোত বিগত ২৫ বছৰ ধৰি চিকিৎসা সেৱা আগবঢ়াই আহিছে লোকজনে। তেওঁ নিজকে ডাঃ জি কীৰ্তানিয়া বুলি চিনাকি দিয়ে।
কলিকতাৰ পৰা আহি আমিনগাঁও ডাকঘৰৰ সমীপত এখন নথি বিহিন ফাৰ্মাছীত বিভিন্ন ধৰণৰ চিকিৎসা কৰে স্বয়ম্ভু চিকিৎসক গৰাকীয়ে।
আনকি অস্ত্ৰোপচাৰ পৰ্যন্ত কৰে বুলিও অভিযোগ আছে এইগৰাকী স্বয়ম্ভু চিকিৎসকৰ বিৰুদ্ধে।
কাঠফুলাৰ দৰে গঢ়ি উঠা একাংশ ফাৰ্মাছীৰ বিৰুদ্ধে বাতৰি সম্প্ৰচাৰৰ পিছতেই পোহৰলৈ আহিছে এনে ধৰণৰ স্বয়ম্ভু চিকিৎসকৰ কৰ্মকাণ্ড।
কাৰ ছত্ৰ ছায়াত গঢ়ি উঠিব পাৰিছে এনে ধৰণৰ নথি বিহীন ফাৰ্মাছী তথা ভুৱা চিকিৎসকৰ চিকিৎসা কেন্দ্ৰ সেয়া এতিয়া লাখটকীয়া প্ৰশ্ন।
