উল্লেখ্য যে, গুৱাহাটী মহানগৰীৰৰ পৰা মাত্ৰ ১৫ কিলোমিটাৰ দূৰত্বত থকা ১১৭ বৰ্গ কিলোমিটাৰৰ গড়ভঙা অভয়াৰণ্যৰ প্ৰাৰম্ভিক স্বীকৃতি বাতিল কৰিছে অসম চৰকাৰে । ৰাজ্য চৰকাৰে কেবিনেটৰ এক সিদ্ধান্তৰ জৰিয়তে গড়ভঙা বন্যপ্ৰাণী অভয়াৰণ্যৰ প্ৰাৰম্ভিক স্বীকৃতি বাতিল কৰে যদিও গোপনে ৰাখিছিল এই কথা ।

২০২৩ চনৰ ছেপ্টেম্বৰ মাহত ৰাজ্যপালৰ আন এক অধিসূচনাযোগে অভয়াৰণ্যৰ প্ৰাৰম্ভিক স্বীকৃতি বাতিল কৰা হয়। অতি ৰহস্যজনকভাৱে ৰাজ্য চৰকাৰে কেবিনেট সিদ্ধান্তযোগে গড়ভঙা বন্যপ্রাণী অভয়াৰণ্যৰ প্ৰাৰম্ভিক স্বীকৃতি বাতিল কৰে । ইফালে গোচৰীয়া সুব্রত তালুকদাৰে পি আই এলযোগে গড়ভঙা বন্যপ্রাণী অভয়াৰণ্যৰ ‘অভয়াৰণ্য’ৰ মৰ্যাদা অক্ষুণ্ণ ৰাখিবলৈ ন্যায়ালয়ত আবেদন জনায়। ন্যায়ালয়ত এই প্ৰসংগত অসম চৰকাৰে কি শপতনামা দিয়ে সেয়া লক্ষণীয় হ’ব ।