প্ৰধানমন্ত্ৰী আৰু জ্যোতিৰাদিত্য সিন্ধিয়াৰ পাছত মঙলবাৰে কেন্দ্ৰীয় গৃহমন্ত্ৰী অমিত শ্বাহ,কেন্দ্ৰীয় পথ পৰিবহণ আৰু ঘাইপথ মন্ত্ৰী নীতিন গাডকাৰীৰ লগতে কেন্দ্ৰীয় মন্ত্ৰী পীযুষ গোৱেলক সাক্ষাৎ কৰে মুখ্যমন্ত্ৰী হিমন্ত বিশ্ব শৰ্মাই ৷ নিজ এক্স হেণ্ডেলৰ জৰিয়তে এই কথা প্ৰকাশ কৰিছে মুখ্যমন্ত্ৰীগৰাকীয়ে।

গৃহমন্ত্ৰীৰ সৈতে হোৱা বৈঠকক বিষয় সন্দৰ্ভত এই পৰ্যন্ত জানিব পৰা নাই যদিও শৰ্মাৰ মন্ত্ৰীসভা ৰদ-বদলৰ বিষয়টোৱে এই আলোচনাত স্থান পোৱা বুলি ধাৰণা কৰা হৈছে। ইফালে নীতিন গাডকাৰীৰ সৈতে অসমত চলি থকা কেইবাটাও ৰাষ্ট্ৰীয় ঘাইপথ প্ৰকল্পৰ বিষয়ে আলোচনা কৰে বুলি এক্সত প্ৰকাশ কৰিছে মুখ্যমন্ত্ৰী হিমন্ত বিশ্ব শৰ্মাৰ।

এই আলচনাকালত গুৱাহাটী ৰিং ৰোডকে ধৰি চলি থকা ৰাষ্ট্ৰীয় ঘাইপথ প্ৰকল্পসমূহৰ ওপৰত বিশদ আলোচনা কৰা হয়। লগতে কেন্দ্ৰীয় পথ পৰিবহণ আৰু অসম চৰকাৰৰ উচ্চপদস্থ বিষয়াসকলে অংশগ্ৰহণ কৰা বুলি এক্সযোগে জনাই নীতিন গাডকাৰীয়ে। মাজুলী সংযোগী দলং প্ৰকল্পক দ্ৰুতগতিত আগুৱাই নিয়াৰ বাবে গাডকাৰীৰ সিদ্ধান্তক প্ৰশংসা কৰে মুখ্যমন্ত্ৰীয়ে।