Brahmaputra Times
ডিজিটেল ডেস্কঃ টেষ্ট শৃংখলা জয় কৰাৰ পাছত বাংলাদেশৰ বিৰুদ্ধে টি-২০ শৃংখলাও ৩-০ ব্যৱধানত জয় কৰিলে ভাৰতীয় দলটোৱে। ভাৰত-বাংলাদেশৰ মাজত অনুষ্ঠিত তৃতীয়খন টি-২০ খেলত শনিবাৰে ভাৰতে প্ৰথমে বেটিং কৰি ২৯৭ ৰাণৰ পৰ্বতসদৃশ স্ক’ৰ সংগ্ৰহ কৰে । হায়দৰাবাদত অনুষ্ঠিত এই খেলখনত ভাৰতীয় দলটোৱে কেইবাটাও অভিলেখ গঢ়িবলৈ সক্ষম হয় ।
ভাৰতীয় দলে বাংলাদেশৰ বিৰুদ্ধে বেটছমেনসকলৰ দুৰ্দান্ত প্ৰদৰ্শনেৰে টি-২০ৰ দ্বিতীয় সৰ্বাধিক ৰাণ কৰে। উল্লেখ্য যে ৰিয়ান পৰাগে ১৩ টা বলত ৪ টা ছয় আৰু এটা চাৰিৰে ৩৪ ৰাণ, হাৰ্ডিক পাণ্ডিয়াই ১৮ টা বলত ৪ টা ছয় আৰু সম সংখ্যক চাৰিৰে ৪৭ ৰাণ সংগ্ৰহ কৰে। হায়দৰাবাদত অনুষ্ঠিত হোৱা শনিবাৰৰ মেচখনত ভাৰতীয় দলটোৱে কেইবাটাও নতুন ৰেকৰ্ড গঢ়িবলৈ সক্ষম হৈছে।
