Brahmaputra Times
৬ দিনৰ পিছত মণিপুৰ চৰকাৰে ইণ্টাৰনেট সন্দৰ্ভত লৈছে ডাঙৰ সিদ্ধান্ত। উপত্যকা ভিত্তিক পাঁচখন জিলাত বন্ধ হৈ থকা ইণ্টাৰনেট সেৱা পুনৰ মুকলি হ’ব। তদুপৰি মঙলবাৰৰ পৰা ৰাজ্যৰ বিদ্যালয়সমূহ খোলাৰ নিৰ্দেশো দিছে চৰকাৰে।
উল্লেখ্য যে, ১৬ মাহৰ জাতিগত হিংসাৰ পাছত ৰাজ্যখনত স্বাভাৱিক অৱস্থা ঘূৰাই অনাৰ দাবীত ইম্ফলত শিক্ষাৰ্থীসকলে প্ৰতিবাদ সাব্যস্ত কৰাৰ পিছতে ১০ ছেপ্টেম্বৰত ৰাজ্য চৰকাৰে পাঁচখন জিলাত মোবাইল ইণ্টাৰনেট আৰু ব্ৰডবেণ্ড ইণ্টাৰনেট সেৱা নিষিদ্ধ কৰিছিল।
চৰকাৰে দাবী পূৰণ নকৰালৈকে উপত্যকা অঞ্চলৰ বিদ্যালয়সমূহ অনিৰ্দিষ্টকাললৈ বন্ধ কৰাৰ কথাও ঘোষণা কৰিছিল প্ৰতিবাদকাৰী ছাত্ৰ-ছাত্ৰীসকলে।
প্ৰতিবাদৰ পিছতেই চৰকাৰে ইণ্টাৰনেট সেৱা কৰ্তন কৰা জিলা কেইখন হৈছে ইম্ফল পশ্চিম, ইম্ফল পূব, থৌবাল, বিষ্ণুপুৰ আৰু কাকচিং।
ৰাজ্যৰ আন ১১খন পাহাৰীয়া জিলাত কোনো ধৰণৰ নিষেধাজ্ঞা আৰোপ কৰা হোৱা নাছিল।
