Brahmaputra Times
অৱশেষত কংগ্ৰেছ দলে বিহালীত দিলে নিজা প্ৰাৰ্থী ৷ সদ্য বিজেপি ত্যাগী নেতা জয়ন্ত বৰাক বিহালী উপ-নিৰ্বাচনৰ প্ৰাৰ্থিত্ব প্ৰদান কৰিলে কংগ্ৰেছে । বিজেপিত টিকট নাপাই দল এৰা জয়ন্ত বৰাক বিহালীত টিকট দিলে প্ৰদেশ কংগ্ৰেছে ৷ বিগত ২০২১ৰ নিৰ্বাচনতো বিহালীত নিৰ্দলীয়ভাৱে প্ৰতিদ্বন্দ্বিতা কৰিছিল জয়ন্ত বৰাই ।
বিজেপি এৰি নিৰ্দলীয়ভাৱে প্ৰতিদ্বন্দ্বিতা কৰা জয়ন্ত বৰাই ২০২১ত বিধানসভা নিৰ্বাচনত পাইছিল প্ৰায় ২৩,০০০ ভোট ৷ কিন্তু পৰাজয়ৰ পাছতেই তেওঁ পুনৰ উভতি গৈছিল বিজেপিলৈ ।
এইবাৰ উপ-নিৰ্বাচনত বিহালী সমষ্টিৰ বিজেপিৰ প্ৰাৰ্থিত্বপ্ৰত্যাশী আছিল জয়ন্ত বৰা । কিন্তু বিজেপিয়ে দিগন্ত ঘাটোৱাৰক বিহালীত প্ৰাৰ্থিত্ব দিয়াৰ ফলত আকৌ বিজেপি ত্যাগ কৰে বৰাই । অৱশেষত বিজেপিৰ পৰা পুনৰ টিকট নাপাই পদত্যাগ কৰি কংগ্ৰেছৰ পৰা প্ৰাৰ্থিত্ব লাভ কৰিলে জয়ন্ত বৰাই !
