বৃহস্পতিবাৰে চামগুৰিত হোৱা নিৰ্বাচনীকেন্দ্ৰিক হিংসাই ল’লে ভয়াৱহ ৰূপ। চামগুৰিৰ কংগ্ৰেছ প্ৰাৰ্থী তানজিল হুছেইনৰ মনোনয়ন যাত্ৰাৰ সময়ত চামগুৰিৰ ৰাজপথত দুই ৰাজনৈতিক দলৰ মাজত সংঘৰ্ষৰ সূত্ৰপাত হৈছিল। বিজেপিৰ সভাৰ কাষেৰে কংগ্ৰেছৰ সমদল পাৰ হৈ যাওঁতেই দুই পক্ষৰ সমৰ্থকৰ মাজত সংঘাতৰ সৃষ্টি হৈছিল।

সেই সংঘাততে প্রাণ গ’ল এজন বিজেপি কৰ্মীৰ। কংগ্রেছ-বিজেপিৰ সংঘাতত মৃত্যু হোৱা বিজেপি কৰ্মীজন বিপুল শইকীয়া বুলি জানিব পৰা গৈছে। বৃহস্পতিবাৰে ভগামূৰত হোৱা সংঘাতৰ সময়তে আঘাতপ্রাপ্ত হৈছিল বিপুল শইকীয়া। নিহত বিপুল শইকীয়াৰ ঘৰ নগাঁও জিলাৰ বাজিয়াগাঁৱত।