ডিজিটেল ডেস্কঃ মিঞাক গালি পাৰি থাকোতেই অসমীয়া খিলঞ্জীয়াই লুটি নিলে নিজৰ মানুহৰে শ শ কোটি টকা। মিঞাতকৈ অতি ভয়ংকৰ দিপাংকৰ, বিশাল, স্বপ্ননীল, চুমিৰ দৰে লোক। অনলাইন ট্ৰেডিঙৰ নামত কম দিনতে ধনী হোৱাৰ সমোন দেখাই মানুহৰ পৰা কোটি কোটি টকা শৰাধ কৰা দিপাংকৰ, স্বপ্ননীল, বিশাল আৰু চুমিৰ দৰে মানুহৰ পৰা সময় থাকোতেই সাৱধান হওক। নতুবা আপোনাৰ সাচতীয় ধনো হব পাৰে এওলোকৰ বিলাসী জীৱনৰ অন্য এক উতস।

২২বছৰীয়া বিশাল ফুকনক গ্ৰেপ্তাৰ কৰাৰ পাছতে বহু ন ন তথ্য পোহৰলৈ আহিছে। ইতিমধ্যে বিশালৰ পৰা ৬টা আইফোন জব্দ কৰা হৈছে। ১০ৰো অধিক বেংক একাউন্ট ছীলড কৰিছে আৰক্ষীয়ে। আৰক্ষীয়ে তদন্তত পোহৰলৈ আহিছে যে, চুমিৰ বিয়াত প্ৰায় ৫কোটি টকা খৰচ কৰিছিল বিশালে। ইফালে আনৰ ধনেৰে ৰাজকীয় জীৱন কটোৱা বিশাল-চুমিয়ে এগৰাকী জনপ্ৰিয় গায়কৰ ঘৰত সঘনাই কৰিছিল পাৰ্টি।

শেহতীয়াকৈ মঙলবাৰে ৰাতিটোৰ ভিতৰতে ১০ৰো অধিক এনে প্ৰৱঞ্চকক গ্ৰেপ্তাৰ কৰিছে অসম আৰক্ষীয়ে। গ্ৰাহকৰ পৰা কোটি কোটি টকা আত্মসাত কৰা উজনি অসমৰ আন এগৰাকী অন্যতম প্ৰৱঞ্চক ৰঞ্জিত কাকতিক গ্ৰেপ্তাৰ কৰিছে আৰক্ষীয়ে। ট্ৰেডিং FX নামেৰে এটা প্ৰতিষ্ঠান খুলি বহুজনৰ ধন আত্মসাৎ কৰাৰ অভিযোগ আছে কাকতিৰ বিৰুদ্ধে।

ইফালে বিশাল ফুকনক প্ৰৱঞ্চনাৰ জাল পেলোৱাত সহায় কৰা তথা গ্ৰাহকৰ যোগান ধৰা অভিনেত্ৰী তথা মডেল চুমি বৰা বৰ্তমানেও পলাতক। নিজৰ ফোন অফ কৰি আত্মগোপন কৰা চুমি বৰা বহিঃৰাজ্যত আশ্ৰয় লোৱা বুলিও এক সূত্ৰই প্ৰকাশ কৰিছে। বিপদৰ আগজাননী পাই চুবুৰীয়া ৰাজ্য নেপাললৈ পলাই যোৱাৰ সন্দেহ কৰিছে একাংশই। আনফালে দিনটোৰ জেৰাৰ অন্তত গ্ৰেপ্তাৰ কৰা স্বপ্ননীল দাসৰ গুৱাহাটী আৰু শিৱসাগৰস্থিত কাৰ্যালয় ছীল কৰিছে আৰক্ষীয়ে। ইয়াৰ লগতে আৰক্ষীয়ে ধৃত স্বপ্ননীলৰ তৃতীয়খন বিলাসী বাহন জব্দ কৰিছে আৰক্ষীয়ে।