৫০ বছৰৰ পাছত নাছাই মানুহক চন্দ্ৰলৈ প্ৰেৰণ কৰাৰ পৰিকল্পনা কৰিছে ৷ নাছাৰ এই ঐতিহাসিক চন্দ্ৰ অভিযান ২০২৬ চনৰ ছেপ্টেম্বৰ মাহত আৰম্ভ হ’ব ৷ ইয়াৰ উদ্দেশ্য হৈছে চন্দ্ৰপৃষ্ঠত দীৰ্ঘম্যাদী মানুহৰ উপস্থিতি প্ৰতিষ্ঠা কৰা ৷ যিহেতু এই অভিযানত জড়িত মহাকাশচাৰী কেইমাহমান চন্দ্ৰৰ পৃষ্ঠত নিয়োজিত হ’ব, সেয়েহে আৱৰ্জনা নিষ্কাশন এক গুৰুত্বপূৰ্ণ বিষয় হৈ পৰিছে ৷

কাৰণ নাছাৰ পূৰ্বৰ চন্দ্ৰ অভিযানৰ সময়ত মহাকাশচাৰীসকলে চন্দ্ৰপৃষ্ঠত বৃহৎ পৰিমাণৰ আৱৰ্জনা আৰু মল এৰি থৈ গৈছিল ৷ ৬ মাহ থকাৰ সময়ছোৱাত প্ৰায় ৯৬টা জাবৰৰে ভৰা বেগ এৰি থৈ যায় ৷ এতিয়া যেতিয়া নাছাই আন এক দীঘলীয়া অভিযানৰ পৰিকল্পনা কৰিছে, তেতিয়া ইয়াৰ মাজতে আৱৰ্জনা ব্যৱস্থাপনাক অগ্ৰাধিকাৰ দিছে।

নাছাৰ এই পুনঃব্যৱহাৰৰ প্ৰত্যাহ্বান দুটা পৰ্যায়ত অনুষ্ঠিত হ’ব ৷ প্ৰথমটো আছিল প্ৰ’ট’টাইপ বিল্ড ট্ৰেক ৷ ইয়াৰ লগত চন্দ্ৰৰ পৃষ্ঠত কঠিন আৱৰ্জনা পুনঃব্যৱহাৰ বা পুনৰ ব্যৱহাৰৰ বাবে হাৰ্ডৱেৰ প্ৰস্তুত কৰাটো জড়িত হৈ থাকে ৷ দ্বিতীয় পৰ্যায় আছিল ডিজিটেল টুইন ৷ প্ৰতিযোগীসকলে এনে এটা ব্যৱস্থাৰ ভাৰ্চুৱেল মডেল ডিজাইন কৰিব যিয়ে কঠিন আৱৰ্জনা পুনঃব্যৱহাৰ কৰিব পাৰে আৰু ইয়াৰ পৰা একাধিক সামগ্ৰী নিৰ্মাণ কৰিব পাৰে ৷ এই প্ৰতিযোগিতাৰ বিজয়ী ব্যক্তিক ব্যক্তি বা দলক ২৫ কোটি টকাৰ পুৰস্কাৰ প্ৰদান কৰা হ’ব ৷

এই লুনা ৰিচাইকেল চেলেঞ্জে মহাকাশচাৰী আৰু পৃথিৱী উভয়কে উপকৃত কৰিব পাৰে ৷ ইয়াৰ দ্বাৰা ভৱিষ্যতে আৱৰ্জনা ব্যৱস্থাপনাৰ সমস্যা সমাধানত সহায় হোৱাই নহয় সম্পদৰ সঠিক ব্যৱহাৰৰ উপায়ো শিকোৱা হ’ব ৷