ডিজিটেল ডেস্কঃ ৭০ সংখ্যক ৰাষ্ট্ৰীয় চলচ্চিত্ৰ বঁটা প্ৰদান অনুষ্ঠান সম্পন্ন। ৰাষ্ট্ৰপতি দ্ৰৌপদী মুৰ্মূৱে দিল্লীৰ বিজ্ঞান ভৱনত শ্ৰেষ্ঠ চলচ্চিত্ৰ নিৰ্মাতা, অভিনেতা-অভিনেত্ৰীসকলক সন্মানিত কৰে । এই ৰাষ্ট্ৰীয় বঁটাসমূহ এই বছৰৰ ১৬ আগষ্টত ঘোষণা কৰা হৈছিল । কানাড়া অভিনেতা ঋষভ শ্বেট্টী অভিনীত কান্তাৰাই শ্ৰেষ্ঠ চলচ্চিত্ৰ বঁটা লাভ কৰিছে ৷ মুখ্য অভিনেতা ঋষভ শ্বেট্টীক শ্ৰেষ্ঠ অভিনেতাৰ ৰাষ্ট্ৰীয় বঁটা প্ৰদান কৰা হৈছে । ২০২চনত কম বাজেটত নিৰ্মিত কান্তাৰা চলচ্চিত্ৰখনৰ উপাৰ্জন আছিল ৪০০কোটি টকা । কান্তাৰাৰ কাহিনীয়ে সমগ্ৰ ভাৰতীয় চলচ্চিত্ৰ জগতত খলকনি তুলিছিল । ৰজনীকান্তকে ধৰি বহু তাৰকাই ঋষভ শ্বেট্টীৰ অভিনয় আৰু তেওঁৰ চলচ্চিত্ৰখনৰ প্ৰশংসা কৰিছিল ।
ঋষভ শ্বেট্টীয়ে কি ক’লে ?
উল্লেখ্য যে, কান্তাৰা নিজেই পৰিচালনা কৰিছে ঋষভ শ্বেট্টীয়ে আৰু তেওঁ ছবিখনত মুখ্য চৰিত্ৰতো অভিনয় কৰিছে । ৰাষ্ট্ৰীয় বঁটা লাভ কৰা সন্দৰ্ভত অভিনেতাগৰাকীয়ে কয়, “প্ৰতিখন ছবিয়েই ফলপ্ৰসূ, আমাৰ লক্ষ্য এনেকুৱা ছবি নিৰ্মাণ কৰা, যিয়ে সমাজখনক ইতিবাচকভাৱে প্ৰভাৱিত কৰি এক নতুন ৰূপ দিয়ে, ৰাষ্ট্ৰীয় বঁটাটোৱে এজন শিল্পীৰ প্ৰতি যথেষ্ট সন্মান ৰাখে ।”
ৰাষ্ট্ৰীয় বঁটা বিজয়ীৰ তালিকা
1.শ্ৰেষ্ঠ ফিছাৰ ফিল্ম: আত্তম
2.শ্ৰেষ্ঠ অভিনেতা: ঋষভ শ্বেট্টী (কান্তাৰা)
3.শ্ৰেষ্ঠ অভিনেত্ৰী: নিথ্যা মেনন আৰু মানসী পাৰেখ
4. শ্ৰেষ্ঠ পৰিচালক: সূৰজ বৰজাত্য
5. শ্ৰেষ্ঠ সহ-অভিনেত্ৰী: নীনা গুপ্তা
6. শ্ৰেষ্ঠ সহ-অভিনেতা: পৱন মালহোত্ৰা
7. শ্ৰেষ্ঠ মনোৰঞ্জনমূলক ফিছাৰ ফিল্ম: কান্তাৰা
8. শ্ৰেষ্ঠ তেলুগু চলচ্চিত্ৰ: কাৰ্তিকেয়া 2
9. শ্ৰেষ্ঠ তামিল চলচ্চিত্ৰ: পন্নিয়িন চেলভান পাৰ্ট 1
10. শ্ৰেষ্ঠ কানাড়া চলচ্চিত্ৰ: কেজিএফ চেপ্টাৰ 2
11. শ্ৰেষ্ঠ হিন্দী চলচ্চিত্ৰ: গুলমোহৰ