ডিজিটেল ডেস্ক : ছত্তীশগড়ত মাওবাদীৰ বিৰুদ্ধে নিৰাপত্তাৰক্ষীয়ে এক অভিযান চলায়। অভিযানৰ সময়তে মাওবাদীৰ সৈতে সংঘৰ্ষত লিপ্ত হয় নিৰাপত্তা বাহিনী। এই ঘটনা নাৰায়ণপুৰ আৰু দান্তেৱাড়াৰ সীমান্ত অঞ্চলৰ আবুঝমাড়ৰ অৰণ্যত সংঘটিত হয়।

আৰক্ষীয়ে জনোৱা মতে দুপৰীয়া প্ৰায় ১ মান বজাত এনকাউণ্টাৰ আৰম্ভ হৈছিল । এই এনকাউণ্টাৰত ৩০ টা মাওবাদী নিহত হোৱা বুলি দান্তেৱাড়া আৰক্ষী অধীক্ষকে নিশ্চিত কৰে। ইফালে এই সংঘৰ্ষত নিৰাপত্তা বাহিনীৰ কোনো জোৱান হতাহত হোৱা নাই বুলি জানিব পৰা গৈছে।