সোণাপুৰৰ কচুতলিত উচ্ছেদৰ সময়ত উত্তেজিত লোকক নিয়ন্ত্ৰণ কৰিবলৈ আৰক্ষীয়ে গুলীচালনা কৰাত দুজন লোক নিহত হয়৷ তাৰ পাছতে কেইবাটাও সংখ্যালঘূ সংগঠনে ঘটনাক নিন্দা কৰি এয়া অমানৱীয় বুলি অভিযোগ আনিছে৷ এনে উচ্ছেদ বন্ধ কৰিবলৈ দাবী উত্থাপন কৰিছে৷ তাৰ মাজতে এটা সংখ্যালঘূ সংগঠনে বিজেপিৰ সৈতে লগলাগি চৰকাৰ চলাই থকা দুটা ৰাজনৈকিত দলৰ মুৰব্বীক সাক্ষাৎ কৰি অসমৰ মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে অভিযোগ দাখিল কৰিব বুলি দাবী কৰিছে৷ এনডিএৰ সহযোগী দল বিহাৰৰ জনতা দল ইউনাইটেডৰ মুৰব্বী নীতিশ কুমাৰ আৰু অন্ধ্ৰপ্ৰদেশৰ তেলেগু দেশম পাৰ্টীৰ মুৰব্বী চন্দ্ৰবাবু নাইডুক সাক্ষাৎ কৰিব বুলি স্পষ্ট কৰিছে৷ বিহাৰৰ মুখ্যমন্ত্ৰী নীতিশ কুমাৰ আৰু অন্ধ্ৰপ্ৰদেশৰ মুখ্যমন্ত্ৰী চন্দ্ৰবাবু নাইডুক সাক্ষাৎ কৰি অসমৰ পৰিস্থিতিৰ কথা অৱগত কৰিব বুলি কয়৷ বিশেষকৈ সোণাপুৰৰ কচুতলিৰ উচ্ছেদৰ সময়ত আৰক্ষীৰ গুলীত দুজন লোক নিহত হোৱাৰ পাছতে নীতিশ আৰু চন্দ্ৰবাবুক সাক্ষাৎ কৰাৰ সিদ্ধান্ত লয় সংখ্যালঘু সংগ্ৰাম পৰিষদে৷ সংখ্যালঘু সংগ্ৰাম পৰিষদে অসমত মুছলমানৰ সৈতে ঘটি থকা কেইবাটাও বিষয় নীতিশ কুমাৰ আৰু চন্দ্ৰবাবু নাইডুক অভিযোগ আকাৰে দিব বুলি জানিব পৰা গৈছে৷