Brahmaputra Times
দলগাঁৱত ১৫ নং ৰাষ্ট্ৰীয় ঘাইপথত সংঘটিত হৈছে এক ভয়ংকৰ পথ দুৰ্ঘটনা। নিজদলগাঁৱৰ ১৫ নং ৰাষ্ট্ৰীয় ঘাইপথত সংঘটিত পথ দুৰ্ঘটনাটোত থিতাতে নিহত হয় এজন লোক।
দলগাঁও দিশৰ পৰা তেজপুৰ অভিমুখে গৈ থকা অৱস্থাত এখন তীব্র বেগী বাহনে পথেৰে খোজ কাঢ়ি যোৱা ৰঞ্জুমনি ডেকা নামৰ ব্যক্তিজনক মহতিয়াই থৈ যায়। ফলত থিতাতে নিহত হয় ৰঞ্জুমনি ডেকা নামৰ ব্যক্তিজনৰ।
ঘটনাস্থলীত দলগাঁও যান-বাহন আৰক্ষী উপস্থিত হয়। আনফালে দুৰ্ঘটনা সংঘটিত কৰা চুইফ্ট ডিজাইৰ বাহনখন পলাই যাবলৈ চেষ্টা কৰে যদিও দলগাঁও যান-বাহন আৰক্ষীয়ে বটাবাৰীৰ পৰা জব্দ কৰি থানালৈ লৈ আহে।
ইফালে আৰক্ষীয়ে মৃতদেহটো মৰণোত্তৰ পৰীক্ষাৰ বাবে মঙ্গলদৈ অসামৰিক চিকিৎসালয়লৈ প্ৰেৰণ কৰে।
