ৰাজ্যত হিন্দুত্ববাদী চৰকাৰ এখন চলি থকাৰ সময়তে শংকৰী সংস্কৃতিৰ পীঠস্থান স্বৰূপ নামনি অসমৰ বৰপেটা সত্ৰৰ আন্তঃগাঁথনি উন্নয়নৰ কেলেংকাৰী সংঘটিত অভিযোগ উত্থাপন হোৱাত তীব্ৰ প্ৰতিক্ৰিয়াৰ মাজতে বৰপেটা সত্ৰৰ কীৰ্তনঘৰৰ আন্তঃগাঁথনি উন্নয়নৰ বাবে চৰকাৰে মুকলি কৰি দিয়া ধন চৰকাৰী অভিযন্তা, বিষয়া আৰু একাংশ সমাজকৰ্মীয়ে লুণ্ঠনৰ অভিযোগ উত্থাপন কৰিছে বুঢ়াসত্ৰীয়া ড০ বাবুল চন্দ্ৰ দাসে৷ প্ৰায় ১ কোটি টকাৰ কেলেংকাৰী সংঘটিত হোৱাৰ অভিযোগে তীব্ৰ প্ৰতিক্ৰিয়াৰ সৃষ্টিৰ মাজতে আজি বৰপেটা সত্ৰৰ বুঢ়াসত্ৰীয়া ড০ বাবুল চন্দ্ৰ দাস এখন সংবাদমেল সম্বোধন কৰি গড়কাপ্তানি বিভাগ আৰু প্ৰশাসনে গঠন কৰি দিয়া সমিতিক লৈ গুৰুতৰ অভিযোগ আনিছে৷ বৰপেটা সত্ৰৰ বুঢ়াসত্ৰীয়া নিৰ্বাচিত ড০ বাবুল চন্দ্ৰ দাস টীনপাত লগোৱাৰ নামত সংঘটিত বৃহৎ কেলেংকাৰী সংঘটিত হোৱাৰ লগতে ১ কোটি টকা ব্যয় কৰি লগোৱা টিনপাত ছমাহ নৌহওতেই মামৰে ধৰা বুলি আজি অভিযোগ আনিছে৷ ড০ বাবুল চন্দ্ৰ দাস মুখ্যমন্ত্ৰীয়ে বৰপেটা সত্ৰৰ কীৰ্তনঘৰক টিনপাত লগাবলৈ দিয়া ১ কোটি টকা দিয়াত যিটো সমিতি গঠন কৰা হৈছিল তাৰ বৈধতাক লৈ সন্দেহ প্ৰকাশ কৰিছে৷ ড০ বাবুল চন্দ্ৰ দাসে কয় যে আগৰ সমিতিৰ বৈধতা ২৯ ডিচেম্বৰলৈ আছিল বুলি কৈ কয় যে টিনপাত লগাবৰ বাবে যিখন সমিতি হৈছিল৷ গুৰিতে তাৰ বৈধতা নাছিল৷ পূৰ্বৰ সমিতিখন নিয়ম অনুসৰি ২৯ ডিচেম্বৰলৈ বৈধতা আছিল৷ যেতিয়া মুখ্যমন্ত্ৰী আহি ১ কোটি টকা দিলে কাম কৰাৰ ব্যৱস্থা কৰা হ’ল৷ সেই সময়ত সমূহীয়া সভা দিব লাগিছিল৷ সমূহীয়া সভাত প্ৰস্তাৱ গৃহীত কৰি টিনপাত লগাব লাগিছিল৷ কিন্তু সেইটো নহ’ল, দৌৰা-দৌৰিকৈ কাম কৰা হ’ল৷ জাকত-জিলিকা কৰিবলৈ কাম কৰিলে৷ কিন্তু কাৰ্যত সেয়া হৈ নুঠিল বুলি আক্ষেপ প্ৰকাশ কৰি ড০ বাবুল চন্দ্ৰ দাসে কয় যে তিনিমাহল হোৱাই নাই, টিনপাতত মামৰে ধৰিলে৷ বহু টিনপাতত মামৰ লাগি আছে৷ কেইবাখনো মামৰে ধৰা টিনপাত সলনি কৰিবলগীয়া হৈছে৷ এতিয়া প্ৰশ্ন হৈছে মূল নামঘৰৰ যিখিন টিনপাত লগাইছে সেইখিনি টিনপাতত অদূৰ ভৱিষ্যতে যে মামৰে নধৰিব তাৰ কি মানে আছে৷ টাটা কোম্পানীৰ টিনপাত দিয়া বুলি কৈছিল৷ টিনপাত পোনে পোনে কোম্পানীৰ পৰা অনাৰ কথা আছিল৷ কিন্তু মধ্যভূগি হিচাপে অন্য ডিলাৰৰ সহায় লৈছিল৷ অন্য ডিলাৰৰ সহায় ল’বলগীয়া হ’ল কিয়? তাৰ কাৰণ কি? ৰেজিং কিছুমান ৪০ এমএৰ৷ আঁচনিত আছে ৬০ এমএমৰ৷ কটা টিনপাতৰ টুকুৰা লাৰি চাই গম পাইছো যে ৬৩ এমএমৰ নহয়৷ বাকী টিনপাতবোৰো আমি চাব লাগিব৷ যোৱা ১০ নৱেম্বৰত অনুষ্ঠিত সভাৰ সিদ্ধান্ত মৰ্মে মুখ্যমন্ত্ৰীৰ তদাৰকী শাখাত অভিযোগ দিয়া হৈছে৷ সম্পাদকে চিঠি লিখি জনাইছে৷ কিন্তু চিএম ভিজিলেন্সৰ মানুহ অহা নাই৷ কিন্তু উপায়ুক্তৰ কাৰ্যালয়ে সমিতিৰ মানুহক মাতিছিল৷ আমি গৈছিলো কিন্তু তেওঁলোকৰ কথাত হয়ভৰ দিব নোৱাৰো এই কাৰণেই যে পূৰ্বৰ সমিতিয়ে যি কাম আৰু খৰচ কৰিছিল তাৰ তদন্ত হওক তাৰ পিছত আমি বাকী কামখিনি কৰিম৷ পূৰ্বৰ সমিতিখনত প্ৰভাত দাস, চক্ৰধৰ দাস, ধনজিৎ দাস, জয় দাস, বীণামতি, ৰঞ্জিত দাস আছিল৷ কিন্তু বাকী সদস্যক অৱগত নকৰাকৈ কামখিনি প্ৰভাত দাস আৰু চক্ৰধৰ দাসে কৰাৰ অভিযোগ আনে বুঢ়াসত্ৰীয়াগৰাকীয়ে৷ ১ কোটি টকা খৰচ কৰিবলৈ মাত্ৰ এদিন সভা পাতিছিল৷ বাকী সদস্যসকলে কৈছে যে গজাল, টিনপাত কৰ পৰা কেনেকৈ আনিছে সেইবোৰ আমি একো নাজানো৷ ৩০ ছেপ্টেম্বৰত অনুষ্ঠিত নিৰ্বাচনত বৰপেটা সত্ৰৰ বুঢ়াসত্ৰীয়া নিৰ্বাচিত হৈছিল ড০ বাবুল চন্দ্ৰ দাস। ৩,৭১৬ টা ভোট লাভ কৰি বুঢ়াসত্ৰীয়া পদত জয়লাভ কৰিছিল দাসে৷