ডিজিটেল ডেস্কঃ অহা ডেভিছ কাপেই হ’ব টেনিছ তাৰকা ৰাফেল নাডালৰ অন্তিম প্ৰতিযোগিতা। তাৰ পাছত আৰু টেনিছ ক’ৰ্টত নাডালক নেদেখিব অনুৰাগীসকসলে। ২২ বাৰৰ গ্ৰেণ্ড শ্লেম বিজয়ী টেনিছ তাৰকাগৰাকীয়ে অৱসৰ ঘোষণা কৰিছে।

উল্লেখ্য যে, নৱেম্বৰত মালগাত অনুষ্ঠিত হ’বলগীয়া ডেভিছ কাপৰ ফাইনেলত স্পেইনৰ হৈ অন্তিমখন মেচ খেলিব। এই কথা নাডালে নিজেই আনুষ্ঠানিকভাৱে ঘোষণা কৰিছে। এক ভিডিঅ’ বাৰ্তাৰ নাডালে অৱসৰৰ কথা ঘোষণা কৰিছে।

বৃহস্পতিবাৰে নাডালে অৱসৰ ঘোষণা কৰি কয় সকলো আৰম্ভণিৰে অন্ত থাকে। মোৰ এই দীঘলীয়া আৰু সফল টেনিছ কেৰিয়াৰৰ অন্ত পেলাবলৈ এয়াই উপযুক্ত সময়। মোৰ অন্তিম প্ৰতিযোগিতা ডেভিছ কাপৰ ফাইনেল হ’ব সেয়ে মই অতি উৎসাহিত। মই পুনৰ এবাৰ দেশক প্ৰতিনিধিত্ব কৰাৰ সুযোগ লাভ কৰিম।