Brahmaputra Times
আগ্ৰা লক্ষ্ণৌ এক্সপ্ৰেছৱেৰ কৰ্হল থানা এলেকাৰ মাইলষ্টোন ৭৯ৰ সমীপত এখন তীব্ৰবেগী গাড়ী নিয়ন্ত্ৰণ হেৰুৱাই বাগৰি পৰাৰ ফলত কানপুৰৰ উদ্যোগপতি হৰিশ মাখিজাৰ পত্নীৰ মৃত্যু হয়। আনহাতে আহত হৈছে আন তিনিজন লোক।
ঘটনা সন্দৰ্ভত তথ্য লাভ কৰাৰ লগে লগে প্ৰশাসনিক বিষয়াসকল সেই স্থানত উপস্থিত হয়। আহতসকলক ছাইফাই চিকিৎসা মহাবিদ্যালয়লৈ প্ৰেৰণ কৰে।
শুকুৰবাৰে সন্ধিয়া ৫:৩০ বজাত সংঘটিত হয় এই ঘটনা। কানপুৰৰ উদ্যোগপতি তিলকৰাজ শৰ্মাৰ পৰিয়ালৰ সদস্য হৰিশ মাখিজাৰ পত্নী প্ৰীতি মাখিজা পৰিয়ালৰ আন সদস্যৰ সৈতে কানপুৰৰ পৰা আগ্ৰালৈ গৈ আছিল। তেওঁৰ কনভয়ত বিএমডব্লিউ আৰু ইনোভাকে ধৰি তিনিখন বাহন আছিল।
উল্লেখ্য যে, কৰ্হল থানা এলেকাৰ মাইলষ্টোন ৭৯ৰ সমীপত এখন বাহন নিয়ন্ত্ৰণহীন হৈ বাগৰি পৰে। এই বাহনখনেৰে গৈ থকা প্ৰীতি মাখিজাৰ মৃত্যু হোৱাৰ লগতে চালকসহ আন তিনিজন লোক আহত হয়।
এই দুৰ্ঘটনাৰ পিছতেই মাখিজা পৰিয়ালত শোকৰ ছাঁ পৰা পৰিলক্ষিত হৈছে।
