Brahmaputra Times
দেশৰ বিভিন্ন ৰাজ্যৰ দৰে অসমকে ধৰি উত্তৰ-পূবৰ ৰাজ্য কেইখনত আৰম্ভ হৈছে নেকি গ্ৰীষ্মপ্ৰবাহ৷ বিগত দুই-তিনিদিনৰ পৰা অসমত হঠাতে আৰম্ভ হোৱা গৰমৰ বাবেই উত্থাপিত হৈছে এই প্ৰশ্ন।
প্ৰণিধানযোগ্য যে ৰাজ্যখনত দৈনিক পাৰাস্তম্ভ বৃদ্ধি পোৱাৰ ফলত এক প্ৰকাৰ স্থবিৰ হৈ পৰিছে জনজীৱন৷ জুন, জুলাই মাহৰ দৰে গৰম অনুভূত হোৱাত ৰাইজক বাৰুকৈয়ে জ্বলাকলা খুওৱা পৰিলক্ষিত হৈছে।
এই উৎকট গৰমৰ বাবে মাজুলীৰ এখন বিদ্যালয়ৰ শিক্ষাৰ্থী অচেতন হৈ পৰাৰ খবৰ আহিছে। জানিব পৰা অনুসৰি মাজুলীৰ আউনিআটী উচ্চ মাধ্যমিক বিদ্যালয়ত সংঘটিত হৈছে এই ঘটনা। প্ৰাতঃসভা চলি থকাৰ সময়তে বিদ্যালয়খনৰ ৮ গৰাকী ছাত্ৰী ঢলি পৰে।
ঘটনা সংঘটিত হোৱাৰ পিছতে বিদ্যালয় কৰ্তৃপক্ষই অসুস্থ শিক্ষাৰ্থীকেইগৰাকীক গড়মূৰ জিলা চিকিৎসালয়লৈ প্ৰেৰণ কৰে।
এই ঘটনাৰ পিছতে বিদ্যালয় কৰ্তৃপক্ষই বিদ্যালয় চুটি ঘোষণা কৰে বুলি জানিব পৰা গৈছে।
