ডিজিটেল ডেস্কঃ চলি থকা পেৰিছ অলিম্পিকত ভাৰতৰ হৈ ইতিহাস ৰচনা কৰিবলৈ সক্ষম হল স্বপ্নিল কুছালে। বৃহস্পতিবাৰে ৫০ মিটাৰ ত্রিস্থানিক ৰাইফল চালনাৰ ফাইনেলত ভাৰতৰ হৈ ব্ৰঞ্জৰ পদক অৰ্জন কৰে স্বপ্নিলে।

উল্লেখ্য যে, ১৯৫২ চনত আৰম্ভ হোৱা পুৰুষৰ ৫০ মিটাৰ ত্রিস্থানিক ৰাইফল চালনাত প্ৰথমবাৰৰ বাবে পদক অৰ্জন কৰিবলৈ সক্ষম হৈছে ভাৰতে। মহাৰাষ্ট্ৰৰ কলহাপুৰ জিলাৰ ২৯ বছৰীয়া স্বপ্নিল কুছালে প্ৰথমবাৰৰ এই শিতানত ভাৰতক পদক প্ৰদান কৰে।

উল্লেখযোগ্য যে ২০২৪ চনৰ পেৰিছ অলিম্পিকত শ্বুটিঙত ভাৰতৰ এয়া হৈছে তৃতীয়টো পদক। পূৰ্বে মনু ভাকেৰে মহিলাৰ ১০ মিটাৰ এয়াৰ পিষ্টল ইভেণ্টত ব্ৰঞ্জৰ পদক লাভ কৰিছিল। ইয়াৰ পিছতে মনু ভাকেৰে ১০ মিটাৰ পিষ্টল মিক্সড টিম ইভেণ্টত সৰবজোৎ সিঙৰ সৈতেও আন এক ব্ৰঞ্জৰ পদক লাভ কৰি পুনৰ ইতিহাস ৰচনা কৰে। মন কৰিবলগীয়া যে, একক অলিম্পিক সংস্কৰণত দুটাকৈ পদক লাভ কৰা স্বাধীন ভাৰতৰ প্ৰথমগৰাকী ভাৰতীয় খেলুৱৈ হিচাপেও পৰিগণিত হয় মনু ভাকেৰ।