আজি ৰাষ্ট্ৰসংঘৰ দিৱস । এই দিৱসৰ লগত সংগতি ৰাখি টাৱাং ষ্টেডিয়ামত ঐতিহাসিক আন্তঃৰাষ্ট্ৰীয় টাৱাং মাৰাথন অনুষ্ঠিত হৈছে। এই ঐতিহাসিক দ্বিতীয় টাৱাং মাৰাথনৰ ফ্লেগ অফ কৰে অৰুণাচল প্ৰদেশৰ মুখ্যমন্ত্ৰী পেমা খাণ্ডুৱে।

মুখ্যমন্ত্ৰী পেমা খাণ্ডু, গজৰাজ কৰ্পছৰ জিঅ’চি লেফটেনেণ্ট জেনেৰেল গম্ভীৰ সিং, বল অৱ ফায়াৰৰ জিঅ’চিৰ মেজৰ জেনেৰেল কে এছ গ্ৰেৱাল আৰু কেন্দ্ৰীয় মন্ত্ৰী কমলেশ পাছৱানেও এই ঐতিহাসিক মাৰাথনত অংশগ্ৰহণ কৰে ।

এই মাৰাথনক লৈ সমগ্ৰ অৰুণাচলত উছাহ দেখিবলৈ পোৱা গৈছে । দেশ-বিদেশৰ শ শ দৌৰবিদ উপস্থিত টাৱাঙত । ৬০-৬৫ বছৰীয়া দৌৰবিদেও এই মাৰাথনত অংশগ্ৰহণ কৰে । দ্বিতীয় টাৱাং আন্তঃৰাষ্ট্ৰীয় মাৰাথনত মহিলা, বিভিন্ন শিক্ষা প্ৰতিষ্ঠানৰ ছাত্ৰ-ছাত্ৰী, সেনা বাহিনীৰ বিষয়া তথা চৰকাৰী কৰ্মচাৰীসকলেও অংশগ্ৰহণ কৰে । জানিব পৰা মতে মুঠ ৪,৫০০ গৰাকী দৌৰবিদে এই মাৰাথনত অংশগ্ৰহণ কৰে ।