গুৱাহাটী জলব’ৰ্ডে জাৰি কৰা এখন বিশেষ জাননী ৷ এই জাননীখনে চিন্তিত কৰি তুলিছে একাংশ মহানগৰবাসীক ৷ কাৰণ আজিৰে পৰা আগন্তুক তিনিদিনলৈ তীব্ৰ পানীৰ সংকটত ভুগিব গুৱাহাটী মহানগৰবাসীয়ে । তথ্য মতে, আজিৰে পৰা তিনিদিনলৈ বন্ধ থাকিব জলব’ৰ্ডৰ পানী যোগান ।

জলব’ৰ্ডে জাৰি কৰা এই ৰাজহুৱা জাননীয়ে মহানগৰখনৰ এক বৃহৎ অঞ্চলৰ বাসিন্দাসকলৰ মাজত এক হাহাকাৰ পৰিস্থিতিৰ সৃষ্টি কৰিছে । উক্ত জাননী মতে, মহানগৰখনৰ এক বৃহৎ অঞ্চলৰ বাসিন্দাই আজিৰ পৰা অহা ১৭ নৱেম্বৰ পৰ্যন্ত লাভ নকৰিব জলব’ৰ্ডৰ পানী ।

জলব’ৰ্ডে বৃহস্পতিবাৰে জাৰি কৰা ৰাজহুৱা জাননীখনত উল্লেখ কৰা মতে, পাইপত থকা সুৰুঙাবোৰৰ স্থায়ী মেৰামতিৰ কাম কৰি আছে ৷ লগতে চলিত মাহৰ শেষলৈ পানী যোগান ধৰিব লগা স্থানসমূহত পাইপৰ কাম-কাজ সম্পূৰ্ণ কৰাৰ বাবেই মহানগৰীৰ একাংশ স্থানত পানী যোগান ব্যাহত থাকিব বুলি জাননীখনত উল্লেখ কৰা হৈছে ।

মহানগৰীৰ কোন কেইটা অঞ্চলত আজিৰ পৰা নাপাব পানী :

জলব’ৰ্ডৰ জাননী অনুসৰি, আজিৰ পৰা মহানগৰখনৰ অমিয় নগৰ, লিচুবাগান আৰু ৰামচা হিলৰ ৰিজাৰ্ভাৰৰ অন্তৰ্গত এলেকাৰ লোকে পানী নাপাব ৷ বিশেষকৈ পানীৰ যোগান ব্যাহত থকা অঞ্চলকেইটা ক্ৰমে –

• অমিয় নগৰ
• চানমাৰি
• ৰাজগড়
• লাচিত নগৰ
• উলুবাৰী
• ৰূপনগৰ
• বৰা ছাৰ্ভিচ
• গ্ৰেটাৰ জু-ৰোড
• অনিল নগৰ
• নবীন নগৰ
• তৰুণ নগৰ
• শ্ৰীনগৰ
• ভাস্কৰ নগৰ
• এম টি ৰোড
• গীতানগৰ
• অম্বিকাগিৰি নগৰ
• সুন্দৰপুৰ
• মাণিকনগৰ
• হেঙেৰাবাৰী
• স্বৰাজনগৰ
• ড৹ জাকিৰ হুছেইন ৰোড
• ডাউন টাউন
• বৰ মটৰীয়া
• ৰামচা হিল
• লতাশিল
• শিলপুখুৰী
• পাণবজাৰ
• খাৰঘুলি

এই ২৮ টা অঞ্চলৰ বৃহৎ এলেকাৰ বাসিন্দাসকলে ১৭ নৱেম্বৰ পৰ্যন্ত পানী লাভ নকৰিব বুলি উক্ত জাননীখনত জলব’ৰ্ডে প্ৰকাশ কৰিছে ।