ছিপাঝাৰৰ পদুমপুখুৰী হাই স্কুলত দশম শ্ৰেণীৰ ছাত্ৰৰ প্ৰহাৰত নৱম শ্ৰেণীৰ ছাত্ৰৰ মৃত্যু হৈছে৷ জ্যেষ্ঠ ছাত্ৰৰ প্ৰহাৰত ভৱেশ ডেকা নামৰ নৱম শ্ৰেণীত অধ্যয়ৰত ছাত্ৰই অকালতে প্ৰাণ হেৰুৱাই৷ এই ঘটনাই অসমীয়া সমাজখনক জোকাৰি গৈছে৷ কিন্তু মানুহে শিক্ষা লোৱা নাই৷ এইখন অসমত পুনৰবাৰ ভয়ংকৰ কাণ্ড সংঘটিত হৈছে৷ গুৱাহাটীৰ ঐতিহ্যমণ্ডিত উচ্চ শিক্ষানুষ্ঠান কটন বিশ্ববিদ্যালয়ৰ প্ৰশাসনিক অধীক্ষকক নৃশংসভাৱে হত্যা কৰাৰ অভিযোগ উত্থাপন হৈছে৷ প্ৰশাসনিক অধীক্ষকক ধ্ৰুৱজ্যোতি বৰ্মনক হত্যা কৰা হৈছে৷ ইতিমধ্যে আৰক্ষীয়ে মৃতদেহ উদ্ধাৰ কৰি ঘটনাৰ তদন্ত কৰা বুলি জানিব পৰা গৈছে৷ খবৰ মতে, কটন বিশ্ববিদ্যালয়ৰ প্ৰশাসনিক অধীক্ষক বৰ্মনে গুৱাহাটীৰ পৰা তেজপুৰ অভিমুখে যাত্ৰা কৰি আছিল৷ তেতিয়া সময় পুৱা প্ৰায় ৭-৩০ বাজিছিল৷ গাড়ী চলাই গৈ থকাৰ সময়তে এখন ট্ৰাকে খুন্দা মাৰিছিল বৰ্মনৰ বাহনত। ট্ৰাকখনৰ নম্বৰ হৈছে এনএল-০১-এএইচ-২৭৮৯৷ এই ট্ৰাকখনে বৰ্মনৰ এএছ-০১-এফটি-২১৭০ নম্বৰৰ ৰেনল্ট বাহনখনক পিছফালৰ পৰা খুন্দা মৰাৰ অভিযোগ উঠিছে। তাৰ পাছতেই বৰ্মনৰ সৈতে ট্ৰাকচালকসকল তৰ্কত লিপ্ত হয়। তৰ্কৰ মাজতে এজন ট্ৰাকচালকে ৰদ এডালেৰে বৰ্মনৰ মূৰত প্ৰহাৰ কৰে৷ ৰদৰ কোব মূৰত লগাত ৰক্তক্ষৰণ হৈ ঢ়লি পৰে বৰ্মন৷ পাছত বৰ্মনে মৃত্যুক আকোৱালি লয়৷ যোৰাবাটৰ দৰে ব্যস্ত এলেকাত ট্ৰাকচালকে মৰিয়াই মৰিয়াই হত্যা কৰাৰ পাছতো ধ্ৰুৱজ্যোতি বৰ্মনক উদ্ধাৰ কৰিবলৈ কোনো লোক আগুৱাই অহা নাহিল৷ আৰক্ষীয়ে গুৱাহাটী চিকিৎসা মহাবিদ্যালয়ৈ প্ৰেৰণ কৰে মৃতদেহ৷
জনতা ভৱনত ধৰা পৰা খকুৱা পাৰ্থৰ ঘৰত টকাৰ উজান, উদ্ধাৰ হ’ল ৪৭ লাখ
ডিজিটেল ডেস্কঃ এইবাৰ অসম চৰকাৰৰ বৰঘৰতে হাত দাঙিলে এজন আবকাৰী বিষয়াই ৷ ৰাজ্য প্ৰশাসনৰ হৃদপিণ্ড জনতা ভৱনতে হাত দাঙিলে এজন আবকাৰী বিষয়াই । অভিযুক্ত ঘোচখোৰ আবকাৰী বিষয়াজন পাৰ্থ হাজৰিকা ৷…