অসমৰ মুখ্যমন্ত্ৰী হিমন্ত বিশ্ব শৰ্মাই প্ৰাক্তন মন্ত্ৰী তথা ধুবুৰীৰ কংগ্ৰেছ সাংসদ ৰাকিবুল হুছেইনক পুনৰ তীব্ৰ আক্ৰমণ কৰিছে৷ চামগুৰি সমষ্টিত ২৫ বছৰে গোমাংস বিতৰণ কৰি জিকি থকাৰ অভিযোগ আনি মুখ্যমন্ত্ৰীয়ে কয় যে চামগুৰিত মুছলমান মানুহে গৰুৰ মাংস খালে বুলি কৈছে ৰকিবুল হুছেইনে৷ মই তাত গৈ কেনেকৈ ইনকুৱেৰি কৰো৷ সেইটো তেওঁৰ সমষ্টি৷ ইমান দিনে যদি চামগুৰিৰ মুছলমানে গৰু মাংস খোৱা নাছিল আৰু এইবাৰ প্ৰথমবাৰ খাইছে তেন্তে সেই তথ্য তেওঁহে জানিব৷ এই ভাষ্য দিছে মুখ্যমন্ত্ৰী হিমন্ত বিশ্ব শৰ্মাই৷ ৰাজ্যত গোমাংস নিষিদ্ধ কৰাত ৰাজ্যজুৰি প্ৰতিক্ৰিয়াৰ সৃষ্টিৰ মাজতে পুনৰ ৰকিবুল হুছেইনক আক্ৰমণৰ লক্ষ্য কৰি লয় মুখ্যমন্ত্ৰীয়ে৷ মুখ্যমন্ত্ৰীয়ে স্পষ্টিকৰণ দি কয় যে অসমৰ ইছলামধৰ্মী মানুহে গোমাংস খাই তাত নতুনত্ব একো নাই৷ এতিয়া আমি কৈছো ৰাজহুৱা স্থানত নাখাব৷ হোটেল-ৰেষ্টুৰেণ্টত নাখাব৷ ৰকিবুল হুছেইনে ২৫ বছৰে সমষ্টিটোত জিকিছে৷ তেওঁৰ দেউতাকো জিকিলে৷ তাৰ মানে তেওঁলোকে ইমান দিন গোমাংস বিলাই জিকিছে৷ এতিয়া মই দোকানখন বন্ধ কৰি দিলো৷ ভৱিষ্যতে কোনেও দিব নোৱাৰিব৷ ৰকিবুল হুছেইন এটা বিশেষ ফাইল পোৱা বুলি সামাজিক মাধ্যমত দাবী কৰাত প্ৰতিক্ৰিয়া প্ৰকাশ কৰি মুখ্যমন্ত্ৰী হিমন্ত বিশ্ব শৰ্মাই কয় যে অখিল গগৈৰ ভূত ৰকিবুল হুছেইনৰ গালি লাগিল৷ অখিল গগৈয়ে ফাইল লৈছিল৷ অখিল গগৈয়ে ২০০৮ চনৰ পৰা ২০১০ চনলৈ প্ৰতিদিনা ফাইল দেখুৱাই আৰু অসমৰ সংবাদমাধ্যমে ডাঙৰ ডাঙৰ নিউজ কৰিছিল৷ এতিয়াও আপোনালোকে নিউজ কৰাৰ মছলা পাইছে কৰে যদি কৰক৷