ধুবুৰী জিলাক “মিনি বাংলাদেশ” বুলি কোৱা ৰাজ্যসভাৰ বিজেপি সাংসদ সুধাংশু ত্ৰিবেদীৰ মন্তব্যে অসমৰ ৰাজনীতি গমৰ হৈছে। এই বিবৃতিয়ে বিভিন্ন জনগোষ্ঠী, ৰাজনৈতিক দল আৰু স্থানীয় সংগঠনে তীব্ৰ নিন্দা কৰিছে।

বিধানসভাত ভৰ্ৎসনা প্ৰস্তাৱৰ দাবী:
কংগ্ৰেছ দলে অসম বিধানসভাৰ বাজেট অধিৱেশনত ত্ৰিবেদীৰ বিৰুদ্ধে ভৰ্ৎসনা প্ৰস্তাৱ উত্থাপন কৰে। বিৰোধী দলপ নেতা দেৱব্ৰত শইকীয়াই কয়, “ধুবুৰীক বাংলাদেশ বুলি কোৱাটো অসমীয়াৰ অপমান। এই সদনৰ পৰা তেওঁক স্পষ্টকৈ গৰিহণা দিয়া হ’ব লাগে।” অৱশ্যে অধ্যক্ষই এই প্ৰস্তাৱ নাকচ কৰে। এআইইউডিএফ দলে বিৰোধী দলৰ দাবীক সমৰ্থন জনাই কয়, “সংসদত এনআৰচি সম্পৰ্কে ভুল তথ্য দি ত্ৰিবেদীয়ে অসমক হাঁহিয়াত কৰিছে।”

ঐতিহাসিক পৰিপ্ৰেক্ষিত আৰু স্থানীয় ক্ষোভ:
প্ৰতিবাদকাৰীসকলে উল্লেখ কৰে যে ধুবুৰী কেতিয়াও পাকিস্তান বা বাংলাদেশৰ অংশ নাছিল, বৰং ই ব্ৰিটিছ শাসনাধীন আছিল আৰু স্বাধীনতা সংগ্ৰামী যোগেন্দ্ৰনাথ ৰয়, টোটাৰাম ৰয়, শৰৎচন্দ্ৰ সিংহ আদিৰ জন্মস্থান। কোঁচ-ৰাজবংশী নেতা অলোকেশ ৰয়ে কয়, “ধুবুৰীৰ ইতিহাসক অৱজ্ঞা কৰি ত্ৰিবেদীয়ে বিভাজনৰ ৰাজনীতি কৰিছে। তেওঁ ক্ষমা বিচাৰক নতুবা গণপ্ৰতিবাদ অনিবাৰ্য।”

গোচৰঃ

সদৌ অসম গৰিয়া-মৰিয়া-দেশী জাতীয় পৰিষদে ধুবুৰীৰ গোলাকগঞ্জ থানাত ত্ৰিবেদীৰ বিৰুদ্ধে  এজাহাৰ দাখিল কৰে। সংগঠনটোৱে এই মন্তব্যক “বিভাজনকাৰী” আখ্যা দিয়ে। আনহাতে, ধুবুৰীৰ কংগ্ৰেছ সাংসদ ৰাকিবুল হুছেইনৰ নীৰৱতাকো সমালোচনাৰ সন্মুখীন কৰা হৈছে। স্থানীয় নেতাসকলে তেওঁক জিলাৰ মৰ্যাদা ৰক্ষাৰ বাবে সক্ৰিয় হ’বলৈ দাবী জনায়।

ধুবুৰীৰ সাংস্কৃতিক ঐতিহ্য আৰু ভৌগোলিক অখণ্ডতাৰ প্ৰতি সংবেদনশীল হৈ ৰাজনৈতিক দলসমূহৰ মাজত তৰ্জন-গৰ্জন অব্যাহত আছে।