বাংলাদেশত সংখ্যালঘূ হিন্দুৰ ওপৰত আক্ৰমণ অব্যাহত থকাৰ সময়তে উত্তৰ-পূৰ্বাঞ্চলত প্ৰৱেশ কৰা বাংলাদেশী নাগৰিকৰ সংখ্যা দিনক দিনে বাঢ়িব ধৰিছে৷ বিগত কেইটামান ঘণ্টাৰ ভিতৰত অবৈধবাৱে প্ৰৱেশ কৰা কেইবাগৰাকী লোকক নিৰাপত্তাৰক্ষীয়ে গ্ৰেপ্তাৰ কৰিছে৷ দুগৰাকী মহিলাসহ ছয় বাংলাদেশী অনুপ্ৰৱেশকাৰীক অসম আৰক্ষীয়ে ধৰি চুবুৰীয়া দেশখনৰ কৰ্তৃপক্ষক গতাই দিছে। বৰাকৰ আন্তঃৰাষ্ট্ৰীয় সীমান্তত ৬ জন বাংলাদেশী নাগৰিকৰ সন্দেহজনক গতিবিধি অনুসৰণ কৰি আটক কৰে যদিও দিদাৰুল ইছলাম, শান্তু খান, ইছমাইল হুছেইন ৰাহাত, চাকিব হুছেইন, শ্বাতি আখতাৰ আৰু মিম শ্বেখক দেশখনৰ কৰ্তৃপক্ষক গতাই দিছে৷ মুখ্যমন্ত্ৰী হিমন্ত বিশ্ব শৰ্মাই এক্সত এটা পোষ্ট দি এই কথা অৱগত কৰিছে৷ আনহাতে, ত্ৰিপুৰাৰ ধলাই জিলাৰ আম্বাচা আৰক্ষী থানা এলেকাত ধৰা পৰিছে ১০গৰাকী বাংলাদেশী নাগৰিক৷ প্ৰাণৰ মমতাত লোকসকলে পলায়ন কৰি আহি ভাৰতত প্ৰৱেশ কৰিছে বুলি জানিব পৰা গৈছে৷ বাংলাদেশৰ কিশোৰগঞ্জ জিলাৰ ধনপুৰ গাঁৱৰ অটো চালক শংকৰ সৰকাৰক সৰকাৰী ৰে’ল আৰক্ষীয়ে গ্ৰেপ্তাৰ কৰিছে। শংকৰ সৰকাৰ পত্নী, সন্তান, ভাতৃ আৰু বৃদ্ধ পিতৃ সুধীৰ চন্দ্ৰ সৰকাৰক লৈ আন্তঃৰাষ্ট্ৰীয় সীমান্ত পাৰ হোৱাত ভাৰতীয় কৰ্তৃপক্ষই আটক কৰে। অৰণ্যত ৰাতি কটোৱাৰ পিছতে সীমা অতিক্ৰম কৰি আজি পুৱতি নিশা পাইছো। ৰেল ব্যৱহাৰ কৰি অসমৰ শিলচৰলৈ গৈ থকাৰ সময়তে ৰে’ল আৰক্ষীয়ে গ্ৰেপ্তাৰ কৰিছে৷ সাং বাদিকৰ সৈতে বাৰ্তালাপ কৰি শংকৰে কয়যে শ্বেখ হাছিনা চৰকাৰৰ পতনৰ পিছত বাংলাদেশত সংখ্যালঘুসকলৰ পৰিস্থিতিৰ বেয়া। শ্বেখ হাছিনা চৰকাৰ দুৰ্বল হোৱাৰ পিছৰে পৰা বাংলাদেশৰ পৰিস্থিতি অসহনীয় হৈ পৰিছে। আমাৰ দৰে সংখ্যালঘুসকল এতিয়া সুৰক্ষিত নহয়। তাত পত্নী আৰু সন্তানৰ সৈতে বাস কৰাটো বহুত কঠিন। আমি নিৰন্তৰ আক্ৰমণ আৰু ভাবুকিৰ সন্মুখীন হওঁ। আনকি অভিযোগ দাখিল কৰিলেও অধিক হিংসাৰ সৃষ্টি হয়। মই কেৱল এজন চালক যি মোৰ পৰিয়ালক সমৰ্থন কৰিবলৈ চেষ্টা কৰিছো৷ কিন্তু জীয়াই থকাটো অসম্ভৱ হৈ পৰিছে। আমি শান্তি বিচাৰি সীমান্ত পাৰ হৈ আহিছো৷ আমি উভতি যোৱাতকৈ ইয়াতে কাৰাবাসত থাকিবলৈ পছন্দ কৰিম।