Brahmaputra Times
গুৱাহাটীঃ সোমবাৰে প্ৰবল বৃষ্টিপাতৰ পিছত সৃষ্টি হোৱা ভয়াবহ কৃত্ৰিম বান পৰিস্থিতিৰ পিছত পুনৰ বুধবাৰে ধাৰাসাৰ বৰষুণে ধুৱাই লৈ গ’ল গুৱাহাটী মহানগৰীক।
বুধবাৰে প্ৰচণ্ড বৰষুণ আৰম্ভ হোৱাৰ পিছতে ছ’চিয়েল মিডিয়াযোগে মহানগৰবাসীক ঘৰৰ পৰা নোলাবলৈ আহ্বান জনায় মুখ্যমন্ত্ৰী হিমন্ত বিশ্ব শৰ্মাই। একে সময়তে অত্যাধিক প্ৰয়োজন নহ’লে যান-বাহনৰ ব্যৱহাৰ নকৰিবলৈও তেওঁ মহানগৰবাসীক আহ্বান জনায়।
তদুপৰি জি এছ ৰোডৰ ডাউনটাউন চিকিৎসালয় এলেকাৰ ফালে বাহন চলাচল নকৰিবলৈও পৰামৰ্শ দিয়ে মুখ্যমন্ত্ৰীয়ে।
উল্লেখ্য যে, ইয়াৰ পূৰ্বে ৫ আগষ্টত ৰাজধানী গুৱাহাটীত প্ৰচণ্ড বৰষুণৰ ফলত কেইবাটাও অঞ্চলত পানী জমা হোৱাৰ ফলত যাতায়ত আৰু স্কুলীয়া ছাত্ৰ-ছাত্ৰীৰ তীব্ৰ অসুবিধা হৈছিল।
