Brahmaputra Times
ৰঙালী বিহুৰ প্ৰাকমুহূৰ্তত ৰাজ্যৰ ৰাজকোষ উদং হৈ থকাৰ ফলত চৰকাৰী কৰ্মচাৰীক দৰমহা আদায় দিব নোৱাৰাৰ অভিযোগৰ মাজতে ৰাজ্য চৰকাৰে গ্ৰহণ কৰিছে বিশেষ সিদ্ধান্ত৷ ৰাজহ সংকটৰ সময়তে মদৰ দোকান নিশা ১১ বজালৈ খোলা ৰখাৰ নিৰ্দেশ প্ৰকাশ কৰিছে ৰাজ্য চৰকাৰে৷ এতিয়াৰ পৰা সুৰাপায়ীসকলে নিশা ১১ বজালৈ সুৰা ক্ৰয় কৰিব পাৰিব৷ নিশা ১০ বজাৰ পৰিৱৰ্তে নিশা ১১ বজালৈ খোলা থাকিব সুৰাৰ দোকান। আনহাতে, নিশা ১২.৩০ বজালৈকে খোলা থাকিব বাৰ কাম ৰেষ্টুৰাণ্টসমূহ৷ গুৱাহাটী মহানগৰীৰ ক্ষেত্ৰতহে প্ৰযোজ্য হ’ব এই নিৰ্দেশনা। আবকাৰী বিভাগে জাৰি কৰিছে নিৰ্দেশনা অনুসৰি নিশা ১১ বজালৈ গুৱাহাটী মহানগৰীত খোলা থাকিব সুৰাৰ বিপণি৷ নিশা ১২-৩০ বজালৈ খোলা থাকিব বাৰ-ৰেষ্টুৰাণ্টসমূহ৷ ইমানে নহয় আবকাৰী বিভাগে প্ৰিমিয়াম ব্ৰেণ্ডৰ সুৰাৰ দাম হ্ৰাস কৰিছে৷ থলুৱা সুৰাৰ বিপণিত বিলাতী সুৰা বিক্ৰীৰ অনুমতি প্ৰদান কৰিছে বিভাগটোৱে৷ ৭ এপ্ৰিলত আবকাৰী বিভাগৰ আয়ুক্ত-সচিব ৰাকেশ কুমাৰে জাৰি কৰা নিৰ্দেশনা অনুসৰি গুৱাহাটী পৌৰ নিগম এলেকাৰ সুৰাৰ বিপণিসমূহ নিশা ১১ বজালৈ আৰু বাৰ-ৰেষ্টুৰাণ্টসমূহ ১২-৩০ বজালৈ খোলা থাকিব৷
