দীৰ্ঘ জল্পনা-কল্পনাৰ অন্তত আজি ৰাজ্যিক বিজেপিৰ সভাপতি ভবেশ কলিতাই ভাৰতীয় জনতা যুৱ মৰ্চাৰ অসম প্ৰদেশৰ সভাপতিৰ নাম ঘোষণা কৰিছে৷ পূৰ্বৰ চৰ্চা মতেই প্ৰাক্তন এবিভিপিৰ নেতা ৰাকেশ দাসক ভাৰতীয় জনতা যুৱ মৰ্চাৰ সভাপতি নিযুক্তি দিয়া হৈছে৷

যুৱ মৰ্চাৰ সভাপতি সিদ্ধাংকু অংকুৰ বৰুৱাক পদৰ পৰা আতৰোৱাৰ পাছতে নতুন সভাপতি নিয়োগ কৰিবলৈ যোৱাত বিজেপি দলত লবীকেন্দ্ৰীক ৰাজনীতি আৰম্ভ হৈছিল৷ এটা লবীয়ে অসম চৰকাৰৰ যুৱ আয়োগৰ সদস্য ঋষিৰাজ হাজৰিকাক সভাপতি পদত অধিষ্ঠিত কৰাৰ দাবী জনাই আহিছিল৷ লবীকেন্দ্ৰিক এই ৰাজনীতিৰ মাজতে ভবেশ কলিতাই ৰাকেশ দাসক সভাপতি নিযুক্তি দিয়ে৷ কেৱল ভবেশ কলিতাৰ ঘনিষ্ঠ তথা ব্যৱসায়ীক সংগী হোৱাৰ সুবাদতে এইবাৰ ৰাকেশ দাস সভাপতি পাতিব খোজা হৈছে বুলি বিজেপিৰ ভিতৰচ’ৰাত তীব্ৰ প্ৰতিক্ৰিয়াৰ সৃষ্টি হোৱা বুলি জানিব পৰা গৈছিল৷

অসম প্ৰদেশৰ নৱ নিযুক্ত সভাপতি ৰাকেশ দাসক বিজেপিৰ বিভিন্ন নেতাই আন্তৰিক শুভেচ্ছা তথা শুভকামনা জ্ঞাপন কৰা পৰিলক্ষিত হৈছে৷