অসম প্ৰত্যক্ষ নিযুক্তি পৰীক্ষা চমুকৈ এডিআৰইৰ তৃতীয় বৰ্গৰ পৰীক্ষাত অৱতীৰ্ণ হোৱা প্ৰাৰ্থীসকলৰ বাবে আজি মুখ্যমন্ত্ৰীয়ে বিশেষ ঘোষণা প্ৰদান কৰিছে৷ মুখ্যমন্ত্ৰীয়ে অ’এমআৰ শ্বীট ডাউনলোড, উত্তৰবহী পুনৰীক্ষণ কেনেদৰে কৰিব পাৰিব তাৰ তথ্য ৰাজহুৱা কৰিছে৷ সামাজিক মাধ্যমত এটা পোষ্ট দি মুখ্যমন্ত্ৰীয়ে উত্তৰবহী পুনৰীক্ষণৰ তাৰিখো ঘোষণা কৰে৷ অসম প্ৰত্যক্ষ নিযুক্তি পৰীক্ষাৰ তৃতীয় বৰ্গৰ চতুৰ্থ আৰু পঞ্চম কাকতত অৱতীৰ্ণ হোৱা প্ৰাৰ্থীসকল অ’এম আৰ শ্বীট ডাউনলোড কৰিব পাৰিব৷ প্ৰাৰ্থীসকলে ৮ অক্টোবৰৰ পৰা ২২ অক্টোবৰলৈকে অ’এমআৰ শ্বীট ডাউনলোড কৰিব পাৰিব। চতুৰ্থ আৰু পঞ্চম দুয়োখন কাকতৰ অফিচিয়েল এনছাৰ কী ৯ অক্টোবৰৰ পুৱা ৬ বজাৰ পৰা উপলব্ধ হ’ব। লগতে মুখ্যমন্ত্ৰীয়ে কয় যে উত্তৰবহী পুনৰীক্ষণ কৰিব পাৰিব৷ তাৰ বাবে তাৰিখ নিৰ্ধাৰণ কৰা হৈছে৷ প্ৰাৰ্থীসকলে তেওঁলোকৰ উত্তৰবহী ৯ অক্টোবৰৰ পৰা ১৮ অক্টোবৰৰ ভিতৰত পুনৰীক্ষণ কৰিব পাৰিব।