কালি অসম বিধানসভাৰ আগন্তুত বাজেট অধিৱেশনক লৈ বিধানসভাৰ অধ্যক্ষ বিশ্বজিৎ দৈমাৰীৰ অধ্যক্ষতাত বিধানসভা ভৱনত সৰ্বদলীয় বৈঠক অনুষ্ঠিত হৈ যায়। সৰ্বদলীয় বৈঠকত শাসক বিজেপি-অগপৰ লগতে মুখ্য বিৰোধী কংগ্ৰেছ আৰু এআইইউডিএফৰ প্ৰতিনিধি উপস্থিত থাকে৷ বৈঠকখনত অধ্যক্ষই ১৭ ফেব্ৰুৱাৰীৰ পৰা অনুষ্ঠিত হ’বলগীয়া বাজেট অধিৱেশনৰ কাৰ্যক্ৰমণিকা প্ৰস্তুতক লৈ আলোচনা কৰা হয়৷ অধ্যক্ষ দৈমাৰীয়ে সকলো দল তথা নিৰ্দলীয় বিধায়কসকলৰ সহযোগিতাৰ কামনা কৰে৷ ১৭ ফেব্ৰুৱাৰীৰ পৰা আৰম্ভ হ’বলগীয়া পূৰ্ণাংগ বাজেট অধিৱেশন ২৪ মাৰ্চলৈ চলিব৷ ১০ মাৰ্চত দাখিল হ’ব বাৰ্ষিক বাজেট৷ অধিবেশনক লৈ প্ৰস্তুতি পূৰ্ণ গতিত চলিছে৷ বৈঠকখনত বিধানসভাৰ উপাধ্যক্ষ ডা০ নোমল মমিন, সংসদীয় পৰিক্ৰমা মন্ত্ৰী চন্দ্ৰমোহন পাটোৱাৰী, মন্ত্ৰী পীয়ুষ হাজৰীকা, কেশৱ মহন্ত, উৰ্খাও গৗৰা ব্ৰহ্ম, বিৰোধী দলপতি দেবব্ৰত শইকীয়া, বিধায়ক আমিনুল ইছলামসহ কেইবাগৰাকী বিধায়ক উপস্থিত থাকিব৷ উল্লেখ্য যে, দিছপুৰৰ পৰিৱৰ্তে কোকৰাঝাৰৰ পৰা আৰম্ভ হ’ব অসম বিধানসভাৰ বাজেট অধিৱেশন। ১৭ ফেব্ৰুৱাৰীত কোকৰাঝাৰস্থিত পাৰিষদীয় ভৱনত দিনৰ ১২ বজাত অধিৱেশনৰ কাৰ্যক্ৰমণিকা আৰম্ভ হ’ব। প্ৰথম দিনটো কোকৰাঝাৰত অনুষ্ঠিত হোৱাৰ পিছত বাকী থকা দিনকেইটাত অধিৱেশন পূৰ্বৰ দৰে দিছুপৰতে অনুষ্ঠিত হ’ব।