Brahmaputra Times
১০ বছৰৰ মূৰকত জম্মু-কাশ্মীৰত নিৰ্বাচিত চৰকাৰ গঠন হ’ব৷ ৮ অক্টোবৰত ঘোষিত ফলাফল অনুসৰি কংগ্ৰেছ আৰু নেচনেল কনফাৰেন্সে সংখ্যাগৰিষ্ঠতা লাভ কৰিছে৷ ধাৰা ৩৭০ আতৰোৱাৰ পাছৰে পৰা ১০ বছৰে ৰাজ্যপালে চলাই আছিল জম্মু আৰু কাশ্মীৰ৷ নেচনেল কনফাৰেন্স আৰু কংগ্ৰেছ মিত্ৰজোঁটে নিৰ্বাচনত সংখ্যাগৰিষ্ঠতা লাভ কৰাত চৰকাৰ গঠনৰ পথ স্পষ্ট হৈছিল৷ তাৰ মাজতে আজি কংগ্ৰেছ আৰু নেচনেল কনফাৰেন্সৰ বিধায়কৰ উপস্থিতিত বিধায়িনী দলৰ বৈঠক অনুষ্ঠিত হয়৷ এই বৈঠকত ওমৰ আব্দুল্লাক নেতা নিৰ্বাচিত কৰা হয়৷ ৰাজ্যখনৰ মুখ্যমন্ত্ৰী হ’ব ওমৰ আব্দুল্লা৷ ৪ জন নিৰ্দলীয় বিধায়কেও ইণ্ডিয়া মিত্ৰজোঁটৰ চৰকাৰক সমৰ্থন কৰাৰ ঘোষণা কৰিছে৷ নেচনেল কনফাৰেন্স আৰু কংগ্ৰেছ মিত্ৰজোঁটৰ বৰ্তমান বিধায়কৰ সংখ্যা ৫৬ জনলৈ বৃদ্ধি হৈছে৷ নেচনেল কনফাৰেন্সৰ ৪৬, কংগ্ৰেছৰ ৬ আৰু চাৰি নিৰ্দলীয়ই সমৰ্থন আগবঢ়াইছে৷ চৰকাৰ গঠনৰ বাবে ৪৬ জন বিধায়কৰহে প্ৰয়োজন।
