কেন্দ্ৰীয় চৰকাৰে কাৰ্যকৰী কৰিব খোজা ‘এক দেশ এক নিৰ্বাচন’ ব্যৱস্থাৰ বিৰুদ্ধে পোন প্ৰথমে দক্ষিণৰ ৰাজ্যৰ পৰাই আৰম্ভ হ’ল বিৰোধ৷ দক্ষিণৰ ৰাজ্য কেৰালাই এই বিৰোধ আৰম্ভ কৰিলে৷ কেৰালাৰ বামপন্থী চৰকাৰে বিধানসভাত ‘এক দেশ এক নিৰ্বাচন’ৰ ব্যৱস্থাৰ বিৰুদ্ধে আজি প্ৰস্তাৱ গ্ৰহণ কৰে৷ কেৰালাৰ মন্ত্ৰী এম.বি ৰাজেশে মুখ্যমন্ত্ৰী পিনাৰাই বিজয়নৰ হৈ বিধানসভাত উত্থাপন কৰিছিল এই প্ৰস্তাৱ। কেৰালা চৰকাৰে কেৰালা ৰাজ্যত এনে ব্যৱস্থা মানি লোৱা নহ’ব বুলি স্পষ্ট কৰে৷ ভাৰত চৰকাৰে এনে ব্যৱস্থা কাৰ্যকৰী কৰিবলৈ তৎপৰ হোৱাৰ সময়তে কেৰালা চৰকাৰে এনে প্ৰস্তাৱ গ্ৰহণ কৰা দেখা গৈছে৷ কেৰালাৰ বামপন্থী চৰকাৰে এয়া অগণতান্ত্ৰিক আৰু অসাংবিধানিক বুলি উল্লেখ কৰিছে।