ৰাইজৰ দলৰ মুৰব্বী অখিল গগৈৰ তিনি গগৈ এক হোৱাৰ মন্তব্যক মুখ্যমন্ত্ৰী হিমন্ত বিশ্ব শৰ্মাই স্বভাৱসূলভা ভাৱেৰে কটাক্ষ কৰিছে৷ মুখ্যমন্ত্ৰীক আজি অখিল গগৈৰ মন্তব্য সন্দৰ্ভত প্ৰশ্ন কৰাত কয় যে ৩ গগৈ এক হ’লে যদি ছুনামি আহে, তেন্তে একেলগ হ’ব লাগে। কোনোবা এখন ঠাইত ভাত-পানী খাই একেলগ হোৱা উচিত। যদি এক হ’লে ছুনামি আহে তেন্তে হ’ব লাগে৷ নহয় কিয় তেওঁলোকে৷ সেইটো পেপেৰক কিয় ক’ব লাগে৷ তিনিজনে একে ঠাইত বহি ভাত-পানী খাই দিলেই এক হৈ গ’ল৷ পিছত তিনিজনে অএইটোও ঠিক কৰিব লাগে যে নিজৰ ল’ৰা-ছোৱালীক পৰিয়ালৰ মাজতে বিয়া-বাৰু দিলে তেতিয়া সম্পৰ্কটো ভাল হৈ যাব৷ একেবাৰে পাৰ্মানেণ্ট সম্পৰ্ক গঢ়ি তুলিব লাগে বুলি কয় মুখ্যমন্ত্ৰীয়ে৷ এদিন পূৰ্বে অখিল গগৈয়ে শোণিতপুৰত এক যোগদান কাৰ্যসূচীত অংশ লৈ অখিল গগৈয়ে তিনি গগৈৰ প্ৰসংগ উত্থাপন কৰিছিল৷ অখিল গগৈয়ে কৈছিল যে যদি উজনি অসমত তিনি গগৈ একলগ হয় তেন্তে অসমৰ ৰাজনীতিত এটা মেজিক সৃষ্টি হৈ যাব। অসমৰ ৰাজনীতিত অকল ধুমুহা নহয় এটা যাদু তৈয়াৰ হৈ যাব৷ যিটো যাদুৱে বিজেপিক ধূলি কৰি লৈ যাব। তাৰ কাৰণে লাগিব আমাৰ বিৰোধী ঐক্যমঞ্চটো ঐক্যবদ্ধ হোৱা। কংগ্ৰেছ, ৰাইজৰ দল আৰু অসম জাতীয় পৰিষদ যেতিয়াই একলগ হ’ব তেতিয়াই লুৰীণজ্যোতি গগৈ, গৌৰৱ গগৈ আৰু অখিল গগৈ আমি একলগ হৈ যাম। তিনি গগৈ যেতিয়া লগ হৈ যাব অসমীয়া মানুহৰ আত্মবিশ্বাস আহি যাব।