কাইলৈৰ পৰা দুদিনীয়া কাৰ্যসূচীৰে মেঘালয় ভ্ৰমণ কৰিব উপ-ৰাষ্ট্ৰপতি তথা ৰাজ্যসভাৰ উপাধ্যক্ষ জগদীপ ধনখৰ৷ কালি আবেলি শ্বিলং হেলিপেডত উপস্থিত হৈ জগদীপ ধনখৰে মাওডিয়াঙলৈ যাব৷ মাওডিয়াঙত ধনখৰে ৰাজ্যিক সন্মিলন কেন্দ্ৰত দক্ষতা আৰু উদ্ভাৱন কেন্দ্ৰৰ আধাৰশিলা স্থাপন কৰিব। সেই সময়ত মুখ্যমন্ত্ৰী কনৰাড চাংমাৰ সৈতে ধনখৰে মাওডিয়াঙৰ তথ্য প্ৰযুক্তি উদ্যান পৰিদৰ্শন কৰিব৷ জগদীপ ধনখৰে ৰাজ্যখনত দক্ষতা বিকাশ আৰু পৰ্যটন বৃদ্ধিৰ লক্ষ্যৰে গুৰুত্বপূৰ্ণ কাৰ্যসূচীত অংশ ল’ব৷ সন্ধিয়া উপ-ৰাষ্ট্ৰপতিৰ বাবে ৰাজভৱনৰ দৰবাৰ হলত এক সাংস্কৃতিক কাৰ্যসূচীৰ আয়োজন কৰা হৈছে৷ ৰাজভৱনত ‘এক পেড মা কে নাম’ অভিযানৰ অধীনত গছপুলি ৰোপণ কৰিব। ভ্ৰমণৰ দ্বিতীয় দিনা কেইবাটাও পৰ্যটকৰ আকৰ্ষণৰ কেন্দ্ৰ আৰৱাহ গুহা, নোহকলিকাই জলপ্ৰপাত, ছেভেন চিষ্টাৰ্ছ জলপ্ৰপাত, চেৰাপুঞ্জি ভ্ৰমণ কৰিব৷ উপ-ৰাষ্ট্ৰপতিৰ ভ্ৰমণৰ বাবে শ্বিলঙৰ কেইবাটাও পথত সাধাৰণ লোকৰ যাত্ৰা বাতিল কৰা হৈছে৷