আজি নলবাৰীত যোৰহাটৰ সাংসদ গৌৰৱ গগৈক একাংশ লোকে ক’লা পতাকা প্ৰদৰ্শন কৰে৷ লোকসভাৰ বিৰোধী উপ-দলপতি তথা কংগ্ৰেছ সাংসদ গৌৰৱ গগৈৰ কনভয় পঞ্চায়ত নিৰ্বাচনৰ প্রচাৰ অভিযানত অংশগ্ৰহণ কৰিবলৈ অহাৰ সময়তে বিজেপি কৰ্মীসকলে ৰাজপথত ক’লা পতাকা দেখুৱাই প্ৰতিবাদ সাব্যস্ত কৰে। প্ৰতিবাদত গৌৰৱ গগৈ হায় হায়, পাকিস্তানী এজেণ্ট গৌৰৱ গগৈ মুৰ্দাবাদ আদিৰ ধ্বনিৰে বিজেপিয়ে ৰাজপথ উত্তপ্ত কৰি তোলে। পঞ্চায়ত নিৰ্বাচন গণতান্ত্ৰিক প্ৰক্ৰিয়া, তাত অংশ ল’বলৈ অহা এজন সংসদ সদস্যক এনে ধৰণে বাধা সৃষ্টি কৰাত গুৰুতৰ প্ৰশ্ন উত্থাপন কৰিছে। একাংশ লোকে কয় যে গৌৰৱ গগৈ পাকিস্তানী এজেণ্ট বুলি নিৰ্ণয়ৰ অধিকাৰ একমাত্ৰ আদালতৰ৷ ৰাজপথত এই সিদ্ধান্ত ল’বলৈ নলবাৰীৰ বিজেপি কোন বুলি প্ৰশ্ন কৰে?