Brahmaputra Times
জাগীৰোডঃ বুধবাৰে পুৱাই জাগীৰোডৰ এটা পুখুৰীত ওপঙি থকা অৱস্থাত এখন বিলাসী বাহন উদ্ধাৰ হোৱাৰ ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে। বুধবাৰে পুৱা জাগীৰোড-মৰিগাঁও সংযোগী পথৰ এটা পুখুৰীত ওপঙি থকা অৱস্থাত স্থানীয় ৰাইজে প্ৰত্যক্ষ কৰে এএছ ০১এফ জেড ৫৭২৪ নম্বৰৰ এখন অ’ডি বাহন।
কোনো যাত্ৰী বা সামগ্ৰী নথকা বাহনখন এনেদৰে পুখুৰীত উদ্ধাৰ হোৱা কাৰ্যই স্থানীয় ৰাইজৰ মাজত সৃষ্টি কৰে তীব্ৰ চাঞ্চল্যৰ। পৰৱৰ্তী সময়ত ৰাইজে আৰক্ষীক খবৰ দিয়াত ঘটনাস্থলীত আৰক্ষীৰ দল উপস্থিত হৈ বিলাসী বাহনখন পুখুৰীৰ পৰা উদ্ধাৰ কৰে।
আৰক্ষীয়ে সদৰী কৰা মতে, বাহনখনৰ পৰা কোনো ধৰণ সামগ্ৰী উদ্ধাৰ নহ’লেও ডি এল ৮চি এ কে ১৩০৬ নম্বৰৰ দুখন নম্বৰপ্লেট উদ্ধাৰ হৈছে। আৰক্ষীয়ে ঘটনা সন্দৰ্ভত তদন্ত আৰম্ভ কৰিছে।
