আজি ব্ৰহ্মপুত্ৰ ওপৰত নিৰ্মাণ হ’বলগীয়া আৰু পলাশবাৰী-শুৱালকুছি সংযোগ কৰিবলগীয়া চাৰিলেনযুক্ত দলঙৰ ভূমি পূজন কৰে মুখ্যমন্ত্ৰী ড০ হিমন্ত বিশ্ব শৰ্মাই। অসম দলং নিৰ্মাণ প্ৰকল্পৰ অধীনত ব্ৰহ্মপুত্ৰৰ ওপৰত পলাশবাৰী-শুৱালকুছি ফৰলেন যুক্ত এক্সট্ৰা ডজড দলঙৰ নিৰ্মাণে ব্ৰহ্মপুত্ৰৰ উত্তৰ ফাল আৰু দক্ষিণ ফালৰ লোকসকলৰ ব্যৱসায়িক দিশত অধিক সূচল হ’ব বুলি কয় মুখ্যমন্ত্ৰীয়ে। ৩, ১৯৭ কোটি টকা ব্যয় সাপেক্ষ নিৰ্মাণ হ’বলগীয়া দলংখনে তেওঁৰ নিজৰে সপোন সাকাৰ কৰা বুলি মন্তব্য কৰে মুখ্যমন্ত্ৰীয়ে। নিৰ্মাণৰত দলংখনে বিজেপিৰ প্ৰগতিৰ যাত্ৰাৰ অন্য এক মাত্ৰ বুলিও মন্তব্য কৰাৰ লগতে দূৰত্বই প্ৰতিবন্ধক হিচাপে থিয় দিয়া কিছুমান ব্যক্তিগত কোম্পানীৰ ব্যৱসায়ে এতিয়া দুয়োপাৰে ইচ্ছানুযায়ী ব্যৱসায় সম্প্ৰসাৰণ কৰাৰ সুবিধা থাকিব। বিদ্যায়তনিক দিশতো এক নতুন দিগন্তৰ সুচনা কৰিব। উত্তৰ ফালৰ ছাত্ৰই গুৱাহাটী বিশ্ববিদ্যালয়লৈ আহিলে মাত্ৰ পোন্ধৰ মিনিটত বিশ্ব বিদ্যালয় পাব। এলএনটিয়ে নিৰ্মাণ কৰিবলগীয়া দলং ২০২৮ চনৰ জুনৰ ভিতৰত অসমবাসীলৈ মুখ্যমন্ত্ৰীয়ে যাতায়তৰ বাবে মুকলি কৰি উপহাৰ দিব বুলি মন্তব্য কৰে। ভূমি পূজনত ৰাজ্য সভাৰ সাংসদ ভূৱনেশ্বৰ কলিতাৰ, সাংসদ পবিত্ৰ মাৰ্ঘেৰিটা, জিলা আয়ুক্ত দেৱ কুমাৰ মিশ্ৰ, অভিভাৱক মন্ত্ৰী চন্দ্ৰমোহন পাটোৱাৰী, পৰিবহন নিগমৰ বিশেষ কৰ্তব্যৰত বিষয়া গৌতম দাস, অনুসূচিত জাতি মৰ্চাৰ উপ-সভাপতি প্ৰকাশ চন্দ্ৰ দাস, শুৱালকুছি মণ্ডল বিজেপিৰ সভাপতি ধীৰাজ মহন্ত (বুবু), মণ্ডল সম্পাদক মাণিক বৈশ্য, যুৱনেতা কেশৱ কলিতা আদি উপস্থিত থাকে।