Brahmaputra Times
কাইলৈ দৌলোৎসৱ তথা ৰঙৰ উৎসৱ ফাকুৱা। আজিৰে পৰা দৌলোৎসৱক লৈ ৰাজ্যজুৰি বিভিন্ন প্ৰান্তৰ লগতে গুৱাহাটী মহানগৰীত উদুলি-মুদুলি পৰিৱেশ দেখা যায়৷ মহানগৰীৰ ফাঁচীবজাৰ আজিৰে পৰা নাচ-গানেৰে হোলী পালন কৰা দেখা যায়৷ ৰেইন ডান্স কৰি ফাঁচীবজাৰত আনন্দ-উল্লাস কৰে কেইবা শতাধিক লোকে৷ হিন্দু ধৰ্মাৱলম্বী লোকসকলে পূৰ্বৰে দৰেই এইবাৰো হেপাহৰে ফাকুৱা পালন কৰিব৷ হিন্দু ধৰ্মাৱলম্বী লোকসকলৰ প্ৰাচীনতম উৎসৱ হোলী অথবা ফাকুৱা ফাগুন মাহৰ পূৰ্ণিমা তিথিত উদযাপন কৰা দেখা যায়৷ হিন্দুৰ এই উৎসৱত অসমত ধৰ্ম-বৰ্ণ নিৰ্বিশেষে হোলীত সকলোৱে অংশগ্ৰহণ কৰি আহিছে৷ নামনি অসমৰ বৰপেটাত দৌলোৎসৱ পাঁচ দিনীয়াকৈ উদযাপন কৰা হয়। প্ৰথম দিনটোক গোন্ধযাত্ৰা, দ্বিতীয় দিনটোক ভৰ দেউল আৰু অন্তিমটো দিনক সুৱেৰী উলিওৱা হয়৷ অসমৰ প্ৰত্যকটো উৎসৱৰে অন্তৰালত এক ধৰ্মীয় পৰম্পৰাৰে দৌল উৎসৱৰ পালন কৰা হয়। অসূয়া-অপ্ৰীতিৰে জৰ্জৰিত ৰাজ্যখনে আৱিৰ সানি ৰঙীন হৈ পৰক আকৌ এবাৰ৷
